УИХ-ын дарга М.Энхболд ОХУ-д ажлын айчлал хийж байгаа учраас чуулганы хуралдааны нэгдсэн хуралдааныг УИХ-ын дэд дарга Ц.Нямдорж даргалж байгаа.

Тэрбээр өнөөдрийн чуулганы хуралдаан эхлэх үеэс гишүүдэд нэлээд хатуухан үг хэлж, басхүү бухимдлаа илэрхийлээд авав.

Ц.Нямдорж хуралдаа ирэхгүй байгаа гишүүдэд хандан “МАН-ын 65 гишүүн чуулганы хуралдаандаа ирж чуулганы ирц бүрдүүл. 2012 оны Ардчилсан намын ирц шиг яваад байх юм уу. Сонгогчдын итгэлийг дааж амьдар. Ажлын хэсгийнхэн үүдэнд ирээд бүтэн өдөр хүлээж байна. Хариуцлагатай байх хэрэгтэй. Чуулган дундуур байнгын хороо хуралдуулж, чуулган үймүүлдэг байдлаа зогсоо. Чуулганы хуралдаанаа цагтаа эхлүүлдэг хэлбэрт шилжмээр байна. Гишүүдийн туслахууд “унтаж байгаа” гишүүдээ гэрээс нь очиж авчирч хуралдаанд нь суулга. Томилолтоор яваагүй, хуралдаанд суух ёстой 60 гишүүн байна. Чуулганд суухгүй юм бол яах гэж сонгогдсон юм бэ. Хуралдаа яаралтай ир” гэсэн сануулгыг өгч, чуулганы танхимд ирээгүй байгаа гишүүдийн нэрсийг зарласан.

Мөн тэрбээр чуулганы хуралдаан завсарлах үед үдээс өмнө чуулганы нэгдсэн хуралдааныг тасалсан гишүүд болох УИХ-ын гишүүн Б.Жавхлан, Н.Оюун-Эрдэнэ, Д.Сумъяабазар, Н.Учрал, Б.Цэрэнбат, Б.Энх-Амгалан нарын нэрийг дуудагдсан юм. Түүчнлэн Ц.Нямдорж “Ардчилсан намын бүлэгт Б.Наранхүү гэж нэг сайн эр байна аа, таван жил үзэгдсэнгүй. Хэвлэлд ярилцлага өгөхдөө “Ойлгохгүй юм чинь хуралд сууж хайран цагаа барж яадаг юм” гээд яриад сууж байна лээ” хэмээн хатуухан үг чулаадаад авсан.

Үдээс хойшхи хуралдаан 15 цагаас эхлэх юм.