Ардчилсан намын даргын сонгуульд нэр дэвшиж байгаа Ерөнхий сайд асан Н.Алтанхуяг, УИХ-ын гишүүн Ж.Батзандан, С.Эрдэнэ, Д.Эрдэнэбат, УИХ-ын гишүүн асан Л.Гантөмөр, нар өнөөдөр нэр дэвшигчийн үнэмлэхээ гардаж авсан. АН-ын даргын сонгууль ирэх сарын 29-нд орон даяар болно. Харин сурталчилгааны хугацаа энэ сарын 22-ноос албан ёсоор эхэлж 40 хоног үргэлжилнэ. Намын даргын сонгуульд шинэчилсэн бүртгэлд хамрагдаж татвараа төлсөн гишүүд санал өгөх эрхтэй аж.

АН-ын даргад өрсөлдөх таван эрхмийн CV-г танилцуулж байна.

НОРОВ ОВОГТОЙ АЛТАНХУЯГ - 1958 онд Увс аймгийн Улаангом хотод төрсөн 58 настай. Ам бүл 7. Эхнэр 5 хүүхдийн хамт амьдардаг. 1981 онд МУИС-ийг биофизикч мэргэжлээр төгссөн. 2001-2003 онд АН-ын ЕНБД. 2004-2006 онд Сангийн яамны сайд. 2008-2012 оид УИХ-ын гишүүн. 2008-2012 онд МУ-ын ЗГ-ын тэргүүн шадар сайд. 2012-2016 онд УИХ-ын гишүүн. 2012-2014 онд МУ-ын Ерөнхий сайд. 2008-2012 онд АН-ын даргаар ажиллаж байсан.

ЖАЛБАСҮРЭН ОВОГТОЙ БАТЗАНДАН -1974 онд Сүхбаатар аймгнщийн Баруун-Урт суманд төрсөн. 42 настай, ам бүл 6, эхнэр 4 хүүхдийн хамт амьдардаг. 1999 онд Унгар улсын Мищкольцын их сургуулийг Улс төр судлал, эрх зүйч мэргэжлээр төгссөн. 2005 онд Унгар улсын Мишкольцын их сургуульд Хууль зүйн ухааны доктор. 2011-2012 онд Эрдэнэс таван толгой ХХК-н ТУЗ-ийн гишүүн. 2012, 2016 онуудад Улсын их хурлын гишүүнээр 2 дахь удаагаа сонгогдон ажиллаж байгаа.

ЛУВСАННЯМ ОВОГТ0Й ГАНТӨМӨР - 1973 онд Увс аймгийн Улаангом хотод торсөн 43 настай. ам бүл 6, эхнэр 4 хүүхдийн хамт амьддрдаг. 1993-1996 онд Япон улсын Сэндай коллежийг цахилгаан холбооны инженер мэргэжлээр. 1996-1900 онд Япон улсын Нагаока технологийн их сургуулийг Электроникийн инженер мэргэжлээр төгссөн. 2004, 2016 онд УИХ-ын гишүүн. 2006-2007 онд УИХ-ын Эдийн засгийн Байнгын хорооны дарга. 2008-2012 онд УИХ дахь АН-ын бүлгийн дэд дарга. 2012-2014 онд Боловсрол шинжлэх ухааны сайд. 2014-2016 онд Боловсрол соёл шинжлэх ухааны сайдаар ажиллаж байсан.

СОДНОМЗУНДУЙ ОВОГТ0Й ЭРДЭНЭ - 1963 онд Улаанбаатар хотод төрсөн 53 настай. Ам бүл 6, эхнэр 4 хүүхдийн хамт амьдардаг. 1984 онд Цэргийн нэгдсэн дээд сургууль төгссөн. 1994 онд Отгонтэнгэр Их сургуулийн магистр. 2000 онд Удирдлагын Академийн магистр. 2013 онд Удирдлагын Академийн доктор. 2008 оноос УИХ-ын гишүүн. 2012-2016 онд Хүн ам, хөдөлмөр нийгмийн хамгааллын сайд. 2016 оноос УИХ дахь АН-ын бүлгийн даргаар ажиллаж байна.

ДОНДОГДОРЖ ОВОГТОЙ ЭРДЭНЭБАТ - 1959 онд Сэлэнгэ аймгийн Зүүнхараа суманд төрсөн. 57 настай. Ам бүл 4, эхнэр 2 хүүхдийн хамт амьдардаг. 1983 онд ЗХУ-ын Эрхүү хотын Политехникийн сургуулийг авто инженер мэргэжлээр төгссөн. 2008, 2012 онд АН-ын ЕНБД. 2012-2014 онд УИХ дахь АН-ын бүлгийн дарга. 2014-2016 онд Засгийн газрын гишүүн, Аж үйлдвэрийн сайд. 2012 оноос хойш УИХ-ын гишүүнээр ажиллаж байна.

Б.Энхжин