Эгдүүтэй амьтдыг хүн бүр өөрийн эрхгүй хайрладаг. Харин эгдүүцэл төрүүлэм төрхтэй амьтдыг төдийлөн ойшоодоггүй. Байгалын хувьсал, амьдрах орчноосоо шалтгаалж "царай муутай" гэсэн категиорт ордог сонирхолтой амьтдын тухай хүргэж байна.
Бусад төрлийн сармагчинг бодвол харагдах байдлаараа эрс өөр энэхүү сармагчинг урт хамарт сармагчин хэмээн нэрлэдэг. Хамрынх нь урт нь дунджаар 17,78 см ажээ. Эр нь дунджаар 24 кг жинтэй, 74 см өндөртэй, 75 см сүүлтэй байдаг бол эм нь 60 см өндөр, 12 кг жинтэй байдаг байна.
Австралийн Тасманийн арлын усны гүнд нутагладаг уг загас нь тэр бүр хүмүүст харагддаггүй бөгөөд сүүлийн үед устаж үгүй болох аюулд өртөөд байгаа билээ. Этгээд төрхтэй энэ загас нь бусад төрлийн загастай адилгүй, сэлүүр ч үгүй бөгөөд далайн түвшнээс доош хэд дахин их даралттай гүн усанд амьдардаг байна. Биеийн жин багатай нь түүнийг булчингаараа биш далайн усны энерциэр явж идэш тэжээлээ олоход нь тусалдаг.
Зүүн Африкийн хуурай халуун бүсийн хэсэгт нутагладаг мэрэгчдийн аймгийн нэг төлөөлөл нь нүцгэн сохор номин юм. Урт нь 8-10 см, жин нь ердөө 30-35 грамм байдаг байна. Тэд 75-80-уулаа нэг сүрэг болон амьдардаг ажээ.
Энэхүү аалз нь олон төрөл байдаг. Биеийнх нь хэмжээ нь 1-30 мм, гурван мөр болсон найман нүдтэй, уг нүднүүд нь доод талдаа жижиг дөрөв нь, дунд талынх нь том, дээд талынх нь дунд зэргийн хэмжээтэй гэсэн байрлалтай учраас харах хүрээ нь маш сайн.
Сфинкс буюу Канадын үсгүй хэмээн нэрлэгддэг энэхүү муур нь үсгүй муурын үүлдрийн ховордсон төлөөлөл нь юм.
Задгай тэнгисийн энэхүү махчин загас нь сонин хэлбэртэй толгойтойгоос гадна бусад махчин загаснаас илүү урт хошуутай. Хагас ээрүүл хэлбэрийн биетэй энэ махчин загас хамгийн уртдаа 3.3м, жин нь 159 кг хүрдэг байна.
Мэрэгч шиг урт шүдтэй, дунд хуруу нь маш урт энэхүү амьтан нь Мадагаскарт байдаг.
8. Эрэгчин далайн заан
Энэхүү амьтан нь маш том бөгөөд дотроо хойт зүгийн, өмнө зүгийн гэсэн хоёр төрөл байдгаас хамгийн муухай царайтай амьтанд хойд зүгийн тэр дундаа эрэгчин далайн заан нь оржээ. Тэд амьдарлынхаа 80 гаруй хувийг далайд өнгөрөөдөг бөгөөд бусад далайн хөхтөн амьтныг бодвол хамгийн удаан буюу 100-аас илүү минут байж чадна. Эрэгчин далайн заан нь эмэгчнээсээ илүү том бөгөөд дунджаар 5 метр урт, 2700 кг жинтэй байдаг. Одоогийн байдлаар бүртгэгдээд буй хамгийн том нь 6.9 метр урт, 5000 кг жинтэй ажээ.
Австралийн өмнөд хэсгээр тусдаа байрлах арал муж Тасман нь байгалийн унаган төрхөө хадгалсан үзэсгэлэнт сайхан байгаль орчинтой ба ховор амьтан, ургамлаар элбэг бөгөөд зөвхөн энд байх махан тэжээлтэй уутат амьтныг Тасманы чөтгөр хэмээн нэрлэдэг ажээ. Энэхүү амьтны эр нь дунджаар 65.2 см өндөр, 25.8 см урт сүүлтэй, 8кг жинтэй бол эм нь дунджаар 57 см өндөр, сүүлнийх нь урт 24.4 см, 6кг жинтэй байдаг байна.
Энэхүү амьтан нь чийглэг нам дор газар байдаг бөгөөд хошуун дээрээ 11 ширхэг хүртэхүйн дайвар эрхтэнтэй. Нас бие гүйцсэн одон хамарт сохор номин нь 15-20 см урт, дунджаар 55 грамм жинтэй 44 ширхэг шүдтэй байдаг.
Кубын Соленодон ч гэж нэрлэдэг энэ амьтны талаар ихэнх хүмүүс сонсоогүй байж магадгүй. Учир нь Кубад л байдаг хортой шүлстэй энэхүү хөхтөнг судлаачид 1861 оноос хойш ердөө 36 ширхгийг нь л барьсан байна.
Африкт орших гахайн аймгийн нэгэн төлөөлөл нь африкийн бодон гахай юм. Урт нь 0.9-1.5 метр, жин нь 50-150 кг байдаг байна. Түүний соёо хамгийн уртдаа 23 см хүртэл ургах боломжтой, ёзоор нь 4.5 см, өргөн нь 2.5 см хос соёотой гэнэ. Африкийн бодонгийн наслалт нь 15 жил, хээлээ тээх хугацаа нь 5-6 сар байх бөгөөд жилд хоёр удаа төллөх боломжтой. Нэг удаадаа ойролцоогоор 2-4 тоорой гаргадаг байна.
