УИХ-ын чуулганы нэгдсэн хуралдаанаар “Эрдэнэт” үйлдвэрийн 49 хувийн худалдан авалттай холбогдуулан УИХ-ын Хууль зүйн байнгын хорооноос байгуулагдсан  ажлын хэсгийн дүгнэлтийг хэлэлцэж байна.

Хэлэлцэж байгаа асуудалтай холбогдуулж УИХ-ын гишүүд асуулт асууж, мөн байр сууриа илэрхийлж байна.  

Ж.Батзандан: Олон ордуудын хувь заяаг нээлттэй хэлэлцэж байгаад талархаж байна. Миний бие УИХ-аас байгуулагдсан ажлын хэсэгт орсон. Намчирхах зүйл байгүй. Сүүлийн 20 жил улс төрд хулгай нүүрлэсэн. Тиймээс хулгайтай нам харгалзахгүй тэмцэнэ. Ажлын хэсэг 10 гаруй хууль зөрчснийг илрүүлсэн. Энэ ажлын хэсэгт орсныхоо төлөө би олон өдөр баалуулсан. Энэ бол ард түмний хувь заяаны асуудал болохоор шударгаар ажилласан. Ардчилсан намын бүлгийн гишүүд өөр өөр байр сууртай байгаа. Ардчилсан нам гэлтгүй Ардын нам ч гэсэн засаг барьж байхдаа олон ордуудаар тоглосон. Тэгэхээр цаашид Ардын намын нөхдүүд Э.Батзандантайгаа  хамт ажлын хэсэг байгуулаад үүнийгээ бас шалгаарай гэж хэлмээр байна.

Д.Дамба-Очир: Энэ асуудлыг сүүлийн 6,7 сарын хугацаанд хууль зөрчсөн байна хэмээн хуулийн байгууллагад өгсөн чтодорхой шийдвэр гарахгүй байгаа тул өнөөдөр ийн хэлэлцэж байгаа нь зөв. Хууль зөрчсөн хүмүүст хариуцлага тооцох ёстой. Түүнчлэн Эрдэнэтийн асуудлыг хэлэлцэхдээ Эрдэнэтийн иргэдийн хувь заяаг давхар бодох хэрэгтэй.

Хоёрдугаарт Эрдэнэт үйлдвэрийн 51 хувийг барьцаанд тавьсан зүйл байхгүй. “Жаст”-ын Ш.Батхүү гэдэг хүн зээл авсан. Тэр хүн зээлээ төлдөгөөрөө төлнө. 40-50 хувийг нь төлчихсөн байгаа юм билээ. Үүнд санаа зовох зүйлгүй. Өнөөдрийн гаргаж байгаа тогтоол шийдвэрүүдийг дэмжиж байна.

Чуулганы нэгдсэн хуралдаан үргэлжилж байна.