Ардчилсан намын Дотоод сонгууль өнгөрсөн амралтын өдөр явагдаж өндөрлөсөн. Сонгуулийн сурталчилгаа дуусахаас нэг хоногийн өмнө Ард түмний онц зөвлөлийн ерөнхий зохицуулагч С:Батчулуун гэгч хүний хүсэлтээр Сэлэнгэ аймгийн 25-р тойрогт ҮБХороонд нэр дэвшигч С.Баярцогтыг Ардчилсан намын дотоод сонгуулийн хороо нэр дэвшигчийн бүртгэлээс түдгэлзүүлэхээр тогтоол гаргасан.

Гэвч энэхүү шийдвэрийг хууль бус хэмээн үзэж Сэлэнгэ аймгийн ДоСХороо АН-ын ДоСХорооны шийдвэрийг эсэргүүцэж нэр дэвшигч С.Баярцогтын сонгох сонгогдох эрхийг хангаж сонгуулийн үйл ажиллагааг үргэлжлүүлэн явуулжээ. Улмаар сонгуулийн үр дүнгээр Сэлэнгэ нутгийн унаган хүү ҮБХорооны 25-р тойрогт нэр дэвшигч Сангажавын Баярцогт олонхийн саналаар буюу нийт 8 хүчтэй нэр дэвшигчээс нэгээр гарч ирж гишүүд дэмжигчдийнхээ итгэлийг хүлээлгэн сонгогдсон байна.

Тиймдээ ч Сэлэнгэ аймгийн АН-ынхан “Сэлэнгэ аймгаас сонгогдсон үе үеийн гишүүд, сайд нараас С.Баярцогт шиг Сэлэнгэдээ хөрөнгө оруулалт хийсэн, Сэлэнгэ нутагтайгаа ард иргэдтэйгээ ойрхон ажилладаг хүн байхгүй, түүнийг 2016 онд ялалт байгуулаагүйд туйлын их харамсч байдгаа намын гишүүд дэмжигч төдийгүй энгийн иргэд ч түүний уулзалтанд ирж илэрхийлж байсан юм. Түүнийгээ ч нотолж түүнд дахин урагшлахыг, Сэлэнгэчүүд олуулаа гэдгээ энэ удаагийн АН-ын Дотоод сонгуулийн дүнгээр харууллаа. АН-ын ДоСХороо Сэлэнгийн мянга мянган иргэдийн сонголтыг хүндэтгэж нэг хүний хүсэлтээр гаргасан тогтоолоо эргэн нэг харна гэдэгт итгэлтэй байна” хэмээж байна.