Чуулганы хуралдаан үргэлжилж байна. Хуралдаанаараа 2017 оны төсвийн тодотголын анхны хэлэлцүүлгийг хийж байгаа билээ.

Хэлэлцүүлэгтэй холбогдуулан гишүүд асуулт асууж хариулт авч байна.

-Х.Бадилхан: Зарим нэгэн татвар нэмэхийг зөв гэж дэмжиж байгаа. Харин орлого бага, дунд орлоготой хүмүүс орлогын татвах нөлөөлөх вэ. Энэ тал дээр ямар нэгэн судалгаа байна уу. Мөн аж ахужйн нэгж дээр яаж нөлөөлөх вэ. Тэтгэвэрийн насны талаар тодруулаач?

-Б.Чойжилсүрэн: ОУВС-тай хийсэн хэлэлцээр амаргүй хүнд нөхцөлд явсан. Анх хэлэлцээр хийхэд нийтдээ 35 орчим шаардлага тавьж байсан. Харин хэлэлцээрийн дүнд энэ шаардлагын 70 орчим хувийг тохиролцож болиулж чадсан. Харин үлдсэн 16 орчим шаардлага нь орж ирж байгаа. Тодруулбал төсвийн орлогод 7 төрлийн татварын хувь хэмжээг өөрчлөх, зарлага талдаа 8-н арга хэмжээ, нэг батлагдсан хуулийн хэрэгжилтийг хойшлуулах шаардлага тавьсан.

Татварын тооцохдоо хүн амийн дундаж ба дунджаас доогуур орлоготой иргэдэд нөлөөлөхгүй байхаар тооцсон. ХАОАТ-ын өөрчлөх юм бол цалин авч, НДШ төлж байгаа хүн амийн 96,3 хувь нь 1,5 сая төгрөгөөс доош төгрөгийн татвар төлж байгаа. Тиймээс нөлөөлөх нь бага.  

Тэтгэвэрийн насны тухайд эрэгтэйчүүдийн тэтгэвэрийн насыг 2027 он хүртэл жилд 6 сараар нэмэх бодлого барьж байгаа. 2027 онд эрэгтэй хүн 65 настай тэтгэвэрт гарах бол эмэгтэйчүүд 2037 онд 65 настай тэтгэвэрт гарахаар тооцоолсон. 2018 оны 2 дугаар сард тэтгэвэрт гарах байсан эмэгтэй 2018 оны 8 дугаар сард тэтгэвэрт гарна гээд л ойлгож болох юм. Эдийн засгийн хүндрэлтэй нөхцөлд ийм арга хэмжээ хэрэгжүүлэхээс өөр аргагүй байдалд байна.