Өнгөрсөн 2016 оны зургадугаар сард буюу УИХ-ын сонгуулийн сурталчилгааны үеэр МАН-ын удирдлагууд болох М.Энхболд, Нийслэлийн МАН-ын дарга Ц.Сандуй, түүний туслах А.Ганбаатар нарын нэгэн ноцтой бичлэг цацагдсан билээ.
Тэдний төрийн албан тушаалыг үнэлэн 60 тэрбум төгрөг босгох тухай ярилцаж байгаа дуу хоолой нь ил болсон юм. Тэгвэл энэхүү бичлэгийн шүүх хурал өнөөдөр 10:00 цагт Баянгол, Хан-Уул, Сонгинохайрхан дүүргийн иргэний хэргийн анхан шатны шүүхэд товлогдоод байсан ч шүүгчийн ар гэрт ажил явдал гарсан гэх шалтгаанаар хойшиллоо.
Энэхүү бичлэгийг олон нийтэд цацаж, нэр хүндэд халдсан гэх үндэслэлээр НИТХ-ын Ц.Сандуйн хуулийн зөвлөх А.Ганбаатар МАХН-ын Ерөнхий нарийн бичгийн дарга Э.Эрдэнэжамъяныг шүүхэд өгөөд байсан юм.
Сэтгэгдэл (1)