СЕХ-ноос 2017 оны Ерөнхийлөгчийн сонгуульд нэр дэвшигчдийг бүртгэх эсэхээ энэ сарын 14-ний дотор буюу өнөөдрийн дотор хуралдан шийдвэрлэх тухай мэдээлсэн.

 Энэ талаар СЕХ-ноос тодруулахад  “Манай хороо бямба, ням гаригт ажиллана.  СЕХ-ны бүх гишүүд хуралдаж, Ерөнхийлөгчийн сонгуульд нэр дэвшсэн хүмүүсийн материалтай танилцаж, бүртгэх эсэхээ шийдвэрлэнэ” гэсэн. Тэгвэл яг одоо Сонгуулийн Ерөнхий хороо энэ талаар хуралдаж байна. Харин энэ хооронд МАХН-ын дарга Н.Энхбаяр  болоод тус намын дэмжигчид Сонгуулийн ерөнхий хорооны гадаа үймээн самуун тарьж, цагдаагийнхны хамгаалалт авахад хүргэлээ.

Тэд Н.Энхбаярыг СЕХ-ны хуралд оролцуулж, Ерөнхийлөгчид нэр дэвшүүлэхийг шаардсан юм. Улмаар Сонгуулийн Ерөнхий хороо болон цагдаагийнхантай тохиролцож, Н.Энхбаярыг тус хуралд оролцуулсан ч дахин 20 хүн хамт орно хэмээн үймээн тарьсаар байна.

Энэхүү ажлын хэсгийн ахлагчаар СЕХ-ны нарийн бичгийн дарга Ц.Болдсайхан ажиллаж буй юм байна. Тэд 14-ны дотор нэр дэвшигчийг бүртгэх эсэхээ шийдвэрлэх бөгөөд 17-нд олон нийтэд албан ёсоор зарлах юм байна.