Дэлхийн хамгийн том олон улсын мэдээллийн Ройтерс агентлаг С.Ганбаатарын талаар онцолжээ. Тус агентлаг С.Ганбаатар Монгол Улсын Ерөнхийлөгчийн сонгуульд өрсөлдөх болсон нь анх удаа Монголын иргэний хөдөлгөөний төлөөлөл болж байгаа нь дэлхийн нийтийн анхаарлыг татаж байна хэмээн мэдээллэсэн ч араас нь Монгол Улсын Ерөнхийлөгчийн сонгуульд нэр дэвшигчийг Оюутолгойн зэсийн уурхайн дийлэнх хувь эзэмшигч Рио Тинто компанийг хүчтэй шүүмжилж, Монгол Улс илүү сайн, эрх тэгш гэрээ хэлэлцээр хийх ёстой гэж үздэг.
Хоёрт, үндэсний үзэлтэй улс төрийн цөөн төлөөлөгчийн нэг гэжээ. Түүнчлэн С.Ганбаатарын Ерөнхийлөгчийн сонгуульд өрсөлдөх талаар Улаанбаатарт суугаа Рио Тинто компанийн хэвлэлийн төлөөлөгч байр сууриа илэрхийллээс татгалзсан болохыг дурьдсан байх юм.
МАХН-ын хувьд С.Ганбаатарыг сонгосон шалтгааныг эрх баригчидтай холбон тайлбарладаг. МАХН-ын дарга Н.Энхбаяр ч нэр дэвшигчээ тодруулахаас М.Энхболдтой уулзсан. Дэмжиж ажиллая, гэхдээ би Ерөнхий сайд болъё хэмээн албан тушаалын наймаагаа хүртэл зурагтаар зарлачихсан. Тиймээс тохиролцооны хүнээ Н.Энхбаяр эртнээс бэлдсэн, 10 тэрбум төгрөгийн босго зүгээр л бусад нэр дэвшигчдийг зайлуулах хэрэгсэл байдаг нь илэрсэн. Гадаад хэргийн сайд асан Эрдэнэчулуун хүртэл “Би саналыг маш ихээр хувааж мэдэхээр байна” гэх ухааны тайлбар тавиад нэр дэвшихээс татгалзсан нь тод илтгэх мэт.
Өнгөрсөн долоо хоногт Монгол Улсын Ерөнхийлөгчийн сонгуульд нэр дэвшигчдийн талаар гадаадын олон нэр хүндтэй хэвлэл мэдээллийн байгууллагууд мэдээлсэн ч “Ройтерс” агентлаг С.Ганбаатарыг онцолсон нь монголын эдийн засагт муугаар нөлөөлөх вий гэх айдастай хүмүүсийг нэмэв. Үнэндээ бол С.Ганбаатар шударга улстөрч гэхээсээ илүү дэлхийд Оюутолгойн зэсийн уурхайн дийлэнх хувь эзэмшигч Рио Тинто компанийг хүчтэй шүүмжлэгч гэдгээрээ танигдсан нэгэн. Тиймдээ ч монголоос дүрвээд байгаа хөрөнгө оруулагчид энэ хүнээс болж, цэрвэх магадлал өндөр болоод байгаа юм. Өнөөдөр дэлхийд “Риотинто”-г мэдэхгүй улс орон гэж үгүй. Олон улсын Валютын сан хүртэл монголд хэрэгжүүлэх гэж байсан хөтөлбөрөө тэдний зүгээс өгсөн гомдлын дагуу дахин харж, хэрэгжлүүлэх хугацаа нь хойшлуулсаар байгаа.
ОУВС дэлхийн хэмжээнд үйл ажиллагаа явуулдаг том байгууллага. Энэ байгууллагаас хөтөлбөрийг хэрэгжүүлж, эдийн засгаа сайжруулсан улс орнууд бишгүй бий. Манай улс хүртэл өмнө нь хэд хэдэн удаагийн хөтөлбөрийг нь амжилттай хэрэгжүүлж, 2011 онд эдийн засгийн өсөлт 17 хүртэлх хувь болж өсч байсныг санах хүн олон. Тиймээс Рио Тинто компанийн үйл ажиллагаа эсэргүүцдэг С.Ганбаатар нэр дэвшихээр болсон нь гадаадын хөрөнгө оруулалтыг гацаахад хүргэж болзошгүй. Цаашлаад ОУВС хөтөлбөрөө хэрэгжүүлэхээс татгалзахыг ч үгүйсгэхгүй юм.
Эдийн засагт цаг хугацаа хамгийн чухал. Цаг хором, минутаар хөрөнгө нь тоологдож, тэр хэрээр ашигтай байх нь энэ салбарын гол хөшүүрэг. Хэрвээ С.Ганбаатараас болж дээрх таамагласан нөхцөл байдал үүсвэл хариуцлагыг хэн үүрэх вэ, МАХН уу. Эсвэл тохиролцоог хэрэгжүүлсэн Н.Энхбаяр уу.
Ямартай ч МАХН-ын нэр дэвшигчээс болж хөрөнгө оруулалтад асуудал үүсч, гол гол компаниудын чухал шийдвэрүүд гацаанд орох магадлал өндөр болж эхэллээ.
24tsag.mn Б.Өрнөх
Сэтгэгдэл (97)