Боловсрол, соёл, шинжлэх ухаан, спортын дэд сайдаар ажиллаж байсан Ё.Отгонбаяр АНУ-д суух Элчин сайдаар томилогдож, сайд Ж.Батсуурийг өнгөрсөн долоо хоногт огцруулсан. “Толгойгүй” шахам болсон тус салбарын сайдыг яаралтай нөхөн томилохыг УИХ-ын дарга үүрэгдсэн. Гэвч сайд тодроогүй байсаар байна.

Эрх баригчдын зүгээс энэ долоо хоногтоо багтаан “эзэнтэй” болгох сураг байна. БСШУС-ын сайдад Т.Ганди, Д.Бадарч нарын нэр дуулдаж, Д.Бадарч нь илүү бодитой, ЮНЕСКО-гийн Нийгэм, хүмүүнлэгийн секторын Нийгмийн өөрчлөлт, соёл хоорондын харилцааны салбар хариуцсан захирлаар ажилладаг түүнийг эх орондоо ирээд буй бөгөөд түүнийг сайд болгохоор дуудаж авчирсан гэсэн яриа байгаа талаар зарим хэвлэл мэдээллийн хэрэгслүүд мэдээлээд байгаа.

Тэгвэл бас нэгэн хувилбар яригдаж байгаа аж. Тодруулбал Засгийн газрын зүгээс Академич Г.Чулуунбаатарыг  Боловсролын сайдад өргөн барихаар болсон байна.

Тэгвэл түүний оронд академич Г.Чулуунбаатарыг томилох саналыг Ерөнхий сайд Ж.Эрдэнэбат УИХ-ын даргад өргөн барилаа. Ерөнхий сайдын өргөн барьсан энэхүү саналыг яг одоо УИХ дахь МАН-ын бүлгээр хэлэлцэх гэж байна. Хэрэв бүлгийн гишүүд дэмжвэл УИХ-ын чуулганаар оруулж ирэх аж. Г.Чулуунбаатар нь Шинжлэх ухааны академийн дэд захирлын албан тушаал хашдаг юм байна.