МУ-ын Ерөнхийлөгчийн ээлжит сонгуулийн санал хураалтын дүнг Сонгуулийн Ерөнхий хорооноос дэлгэцээр шууд харуулан танилцуулж байсан боловч яг одоогийн байдлаар дүнг харуулах тооллого удааширч таг гацлаа.

Хамгийн сүүлийн танилцуулгаар Ардчилсан намаас нэр дэвшигч Х.Баттулга 482347,

МАХН-аас нэр дэвшигч С.Ганбаатар 386337,

МАН-аас нэр дэвшигч М.Энхболд 376209 санал авснаар Х.Баттулга тэргүүлж байна.

Харин гуравдагч хүчнээс нэр дэвшигч С.Ганбаатар 2-т бичигдэж эхэлснээр МАН-ын нэр дэвшигч М.Энхболд "сүүл мушгиж" эхэлсэн.

Ажиглагчдын дүгнэж байгаагаар МАН-аас нэр дэвшигч М.Энхболд ялагдаж эхэлмэгцээ сонгуулийн дүнгийн тооллогын зориуд удаашруулж байна гэж хардаж байгаагаа сошиалаар илэрхийлжээ. Өөрөөр хэлбэл дахин санал хураалтад орохын тулд 2-т үлдэх ёстой. Тиймээс бүх нөөц хүчээ шавхан 2-т орохын тулд сонгуулийн дүнг зориудаар удаашруулж байж магадгүй хэмээжээ.