МАН-аас 2017 оны Ерөнхийлөгчийн сонгуульд нэр дэвшигч М.Энхболд ЧД-ийн 1937-р хэмгийн санал авах байранд гэргийн хамт ирж саналаа өглөө.

Саналаа өгсний дараа тэрбээр "Та бүхнийхээ энэ өдрийн амар амгаланг айлтган мэндчилье. Иргэний үүргэн биелүүлэн дахин саналаа өглөө. Анх удаагаа дахин санал хураалттай Ерөнхийлөгчийн сонгууль болж байна. Энэ удаагийн сонгууль бол нэгнээ харлуулах, иргэдээ талцуулах, хар бараан сурталчилгаа их явуулсан хар бараан сонгууль боллоо. Би бол эв нэгдлийг эрхэмлэдэг хүн. Би эв нэгдлийг ямар нэг нэр хүнд, албан тушаалаас ч өндөрт тавьдаг. Монгол хүн Үндсэн хуульд заасан эрхээ эдлэн сонгох эрхээ эдлэх ёстой.

Гэвч зарим улс төрийн намынхан иргэдийн сонгох эрхэнд халдан цагаан хуудас бөглөхийг уриалж байна. Энэ нь сонгогчийн сонгох эрхэнд халдаж байна гэсэн үг юм. Наадмын дараа намар гэдэг. Зун эхэлсэн сонгууль намартай залгаж сунжирч удаашрах зохимжгүй юм. Тиймээс энэ удаагийн санал хураалтаар ирц бүрэн дүүрэн болж өнөөдөр өндөрлөөсэй гэж хүсч байна. Тиймээс Монгол түмэн маань наадмын наана сонгуульдаа идэвхтэй оролцон, сайхан наадаарай хэмээн уриалж байна. Сайхан наадам болохын ерөөлийг дэвшүүлье" хэмээв.