Ерөнхийлөгчийн сонгуулийн анхан шатны санал хураалтын үеэр саналаа өгсөн сонгогчдод бүртгэлийн хуудас өгч байсан. Харин өнөөдөр явагдаж байгаа дахин санал хураалтад оролцож саналаа өгсөн иргэдэд бүртгэлийн хуудас олгохгүй.

Сонгуулийн ерөнхий хороо ийм шийдвэр гаргасан бөгөөд Оюуны өмч, улсын бүртгэлийн ерөнхий газар хэсгийн хороодод ажиллаж байгаа албан хаагчиддаа сонгогчдод бүртгэлийн хуудас олгохгүй байх чиглэл өгсөн хэмээх мэдээлэл гарсан.

Тэгвэл СЕХ-ын дарга Ч.Содномцэрэн энэ талаар “Сонгуулийн тухай хуулинд саналаа өгөхөөр ирсэн сонгогчдод бүртгэлийн хуудас олгоно. Бүртгэлийн хуудсыг үндэслэж, саналын хуудас олгоно гэж заадаг. Үүний дагуу саналаа өгөхөөр ирсэн сонгогчдод бүртгэлийн хуудас олгож байгаа. Бүртгэлийн хуудсыг үндэслэж, саналын хуудас олгож байгаа. Яг хуулийн дагуу явагдаж байгаа” гэлээ.