МАН-аас цаг үеийн асуудлаар мэдээлэл хийлээ. Өнөөдөр 07.00 цагаас Төв аймгийн хэсгийн хороодын санал тоолох машинуудыг ажиллаагүй. Үүнийг Сонгуулийн ерөнхий хороо бэлтгэл ажлаа тааруу хангасаны илрэл. Төв аймагт санал тоолох машин ажиллахгүй байгаатай холбогдуулан СЕХ-оос АН, МАН-ын төлөөллийг хүлээн авч уулзсан. Энэ үеэр СЕХ-ны дарга Ч.Содномцэрэн “Санал тоолох машинд алдаа гарах зүйл өмнө нь ч тохиолдож байсан. Санал тоолох машиныг яаралтай засварлахаар ажиллаж байна” гэсэн тайлбарыг сонгуульд оролцож буй намын төлөөлөлд танилцуулсан. Гэвч МАН-ын зүгээс санал тоолох машиныг санаатайгаар ажиллуулахгүй байж болзошгүй хэмээн үзэж СЕХ-нд шаардлага хүргүүлж байна гэлээ.
Уг шаардлагад, Сонгуулийн ерөнхий хороо Төв аймагт өглөөний 07.00 цагаас хойш санал тоолох машин ажиллагаагүй шалтгааныг тогтоож, ард иргэдэд үнэн бодит мэдээлэл өгөхийг шаардаж байгаа юм байна. Мөн Төв аймгийн бүх хэсгийн хороодод 100 хувь хяналтын тооллого хийх шаардлагыг ч СЕХ-нд хүргүүлж байгаа гэжээ.
МАН-аас нэр дэвшигч М.Энхболд бол Төв аймгаас хэд хэдэн удаа сонгуульд нэр дэвшиж байсан төрсөн нутаг. Тиймээс нэр дэвшигч М.Энхболд Төв аймгаас өндөр санал авах боломжтой. Өмнөх сонгуулиудаар ингэж аймгийн хэмжээнд санал тоолох машин ажиллахгүй байх тохиолдол гарч байгаагүй учраас санаатай үйлдэл байж болзошгүй гэж МАН хардаж байгаа юм байна.
