УИХ-ын чуулганы хүндэтгэлийн хуралдаан яг одоо үргэлжилж байна. Х.Баттулгыг Монгол Улсын Ерөнхийлөгчөөр сонгох асуудлыг хэлэлцэж эхэллээ. Сонгуулийн Ерөнхий Хорооны танилцуулгыг СЕХ-ны дарга Ч.Содномцэрэн гишүүдэд уншиж танилцууллаа.

Тэрбээр "Монгол Улсын Ерөнхийлөгчийн сонгуулийн долоо дахь удаагийн сонгууль амжилттай болж өндөрлөлөө. Манай улсын сонгуулийг дэлхийн улс орнууд анхааралтай ажиглаж байв. Дэлхийн сонгуулийн байгууллага болон Азийн сонгуулийн байгууллагууд зэрэг гадаад улс орны ажиглагчид оролцлоо. УИХ-ын гишүүдээ Их Хуралд суудал бүхий МАН-аас М.Энхболдыг, АН-аас Х.Баттулгыг, МАХН С.Ганбаатар нар нэр дэвшиж оролцлоо. Зургаадугаар сарын 26-ны өдөр эхний санал хураалт болсонч нэр дэвшигчдийн хэн нь ч олонхын санал аваагүй тул хуулийн дагуу СЕХ хуралдаж Монгол Улсын Ерөнхийлөгчийн сонгуулийн хоёр дахь санал хураалтыг долдугаар сарын 7-ны өдөр зохион байгуулахаар шийдвэрлэсэн юм. Ингээд хамгийн их санал авсан хоёр нэр дэвшигчдийг дахин санал хураалтанд оруулсан юм. Ингээд санал хураалтын дараа АН-аас нэр дэвшигч Х.Баттулга 50,61 хувийн саналаар ялалт байгуулсан юм. СЕХ хуулийн дагуу хүчин төгөлдөр болсон гэж үзэ байна. Ийнхүү нийт сонгогчдын олонхын саналыг авсан Х.Баттулгыг Монгол Улсын Ерөнхийлөгчөөр томилуулахыг хүсч байна" гэлээ. 

Үүний дараагаар Төрийн байгуулалтын байнгын хорооны санал дүгнэлтийг УИХ-ын гишүүн, байнгын хорооны дарга Н.Энхболд танилцууллаа. Тэрбээр "Монгол Улсын Ерөнхийлөгчийн сонгуульд ялалт байгуулсан Х.Баттулгыг олонхын саналыг авсан гэж үзэн Монгол Улсын Ерөнхийлөгчөөр томилж өгөхийг хүсье" гэлээ.

Одоо гишүүд СЕХ болон Төрийн байгуулалтын байнгын хорооны санал, дүгнэлттэй холбоотой асуултуудыг асууж байна.