УИХ-ын гишүүн Д.Гантулга хүчингийн хэрэгт холбогдоод байгаа билээ. Өнгөрсөн хугацаанд тэрбээр ийм хэрэг хийгээгүй хэмээн мэдэгдэж ирсэн. Тодруулбал өнгөрсөн долдугаар сард Төрийн ордонд “Өөрийгөө хүчирхийлэгч биш, харин энэ бүхнийг зохион байгуулж байгаа олигархи хүчин бол жинхэнэ хүчирхийлэгч. Тэд залуу улстөрчдийг хүчирхийлж байна.

Тэр орой "Энкэнто таун"-ы саунд байсан. Надаас гадна маш олон сэтгүүлчид, залуус байсан. Орой нь Иргэн Ц-ийнд би хоносон, гэхдээ өглөө гараад явсан” хэмээн мэдэгдээд буй. Гэвч хохирогч эмэгтэй нь эгч түүнийг авлига өгөхийг оролдсон, шүүх шинжилгээний хариу худлаа гарсан” гэдгийг бичлэг болон баримтаар нотлоод байгаа билээ. Тэгвэл энэ хэргийн талаар түүний хамтран зүтгэгч УИХ-ын гишүүн Л.Оюун-Эрдэнэ байр сууриа илэрхийлжээ.

Тэд хоёул Хэнтий аймгаас УИХ-д сонгогдсон юм. Тэрбээр “Энэ парламентын гишүүн бүр хариуцлага гэдэг зүйлийг хамгийн их ярьдаг. Гэтэл яагаад Төрийн ордонд дотуур хувцас яриад зогсож байгаа УИХ-ын гишүүн Д.Гантулгад ёс зүйн хариуцлага тооцож болдоггүй юм бэ гэсэн сэтгүүлчийн асуултад Д.Гантулгын хувьд УИХ-ын гишүүнээр ажиллах ёс зүй байхгүй. Асуудлаа хуулийн байгууллагаар шалгуулаад, Хэнтий аймгийн сонгогчдоос уучлалт гуйх ёстой” гэсэн байна.