УИХ-ын 30 гишүүн Засгийн газрыг огцруулах асуудлыг тавьсантай холбоотойгоор АН-ыг Засгийн газарт орж ажиллах нь гэсэн мэдээлэл цацагдсан. Учир нь МАН-ын 30 гишүүн АН-гүйгээр хүслээ гүйцээхэд бэрх юм. Тэгвэл үүнийг батлах мэт өчигдрөөс эхлэн Ерөнхийлөгчийн Тамгын газрын дарга З.Энхболд гарын үсэг зурсан гэх албан бичгийн ноорог цахим орчинд тархсан.

Энэ нь ор үндэсгүй гүтгэлэг гэдгийг ЕТГ-ын дарга З.Энхболд мэдэгдлээ. Тэрбээр өөрийн фэйсбүүк хуудсаараа “Энэ миний гарын үсэг биш шүү.

Хүрэлсүх шадар сайдтай түймэр унтраалцахад цуг явснаас өөрөөр уулзаагүй, бичиг солилцоогүй. Гүтгэхээ зогсооё” гэжээ. АН-ын дарга С.Эрдэнэ Засгийн газарт АН орж ажиллахгүй, Засгийг огцруулах асуудал нь манайхаас шалтгаалахгүй МАН өөрсдөө дангаараа шийдэх боломжтой хэмээн байр сууриа илэрхийлсэн билээ.