УИХ дахь МАН-ын бүлгийн хуралдаан 14.00 цагаас товлогдсон ч ирц хүрэхгүй хүлээгдсээр 15.10 цаг орчимд эхэлсэн.  Тус хуралдаанд одоогийн байдлаар нийт 40 орчим гишүүн оролцож байгаа гэсэн мэдээлэл байна.

Тухайлбал, УИХ-ын дарга М.Энхболд, Ерөнхий сайд Ж.Эрдэнэбат, Шадар сайд У.Хүрэлсүх, ЗГХЭГ-ын дарга Ж.Мөнхбат, Сангийн сайд Б.Чойжилсүрэн нар иржээ. 

Уг нь Засгийн газрыг огцруулахаар гарын үсэг зурсан 30 гишүүн бүлгийн хуралдаанд оролцохгүй гэсэн мэдээлэл гараад байсан ч тэдгээр гишүүдийн төлөөлөл үүнийг үгүйсгэж, бүлгийн хуралдаандаа оролцож байгаа тухай эх сурвалж мэдээлэв.

Хуралдаанаар Засгийн газрыг огцруулах болох Шадар сайдыг үүрэгт ажлаас нь чөлөөлөх асуудлыг хэлэлцэж байгаа бөгөөд нэлээд өндөр хамгаалалт авчээ.

Өөрөөр хэлбэл УИХ дахь МАН-ын бүлгийн хурал хаалттай болж байгаатай холбогдуулан Төрийн ордны нэг жигүүрийг хамгаалалтад авчээ. Төрийн ордны Б танхим орчимд хөл хориод байна. Мөн утасны сүлжээг унагасан гэх мэдээлэл байна.