МАН-ын бүлэг өнөөдөр 10.00 цагаас  хуралдах зар тараасан. Гэвч гишүүд нь цуглахгүй байсаар дөнгөж сая эхэллээ. Бүлгийн хурлаар өчигдөр хэлэлцсэн Засгийн газрын огцруулах эсэх асуудлыг үргэлжлүүлэх юм.  Тус хуралдаанд УИХ-ын дарга М.Энхболд оролцохоор иржээ.

Өчигдрийн хуралд бүлгийн 48 гишүүн оролцсон гэх мэдээлэл бий. Харин өнөөдрийн хуралд өчигдрийн ирцэнд ороогүй гишүүд оролцож байгаагаас харахад нэлээд өргөн бүрэлдэхүүнтэй болох бололтой. Хурлын эхэнд үгээ хэлж амжаагүй гишүүд үргэлжлүүлэн байр сууриа илэрхийлэх аж.

Бүлгийн хурал дээр 60 тэрбумын бичлэгтэй холбоотой хариуцлагын асуудал болоод Засгийн газраа огцруулахгүйгээр зарим сайд нартаа хариуцлага тооцох нь зөв гэх мэт санал гарсан байдаг. Мөн Шадар сайд У.Хүрэлсүхийн талаас тагнасан чагнасан гэх хэрэгтэй холбоотойгоор  АТГ болон хуулийн байгууллагад хариуцлага тооцох ёстой гэсэн байр суурь цухалзжээ.