МАН-ын Удирдах зөвлөл өчигдөр зургаан цаг орчим хуралдсан. Хуралдаанаар Засгийн газрыг огцруулах асуудлаар гишүүдийн өргөн барьсан хүсэлтийг хэлэлцэж, Засгийн газраа тогтвортой байлгах, УИХ дахь МАН-ын бүлгээс гаргасан шийдвэрийг биелүүлж байх утга бүхий тогтоол гаргасан. Удирдах зөвлөлийн хуралд гарын үсэг зурсан гишүүдээс УИХ-ын гишүүн Ц.Нямдорж, Ц.Даваасүрэн нар оролцсон гэх мэдээлэл бий.

Түүнчлэн Удирдах зөвлөлийн хурлаар намын эсрэг бодлого явуулж байгаа УИХ-ын гишүүдийг намаас хөөх тухай асуудал яригдсан гэсэн Төрийн ордноор “нисч” буй. Тэгвэл энэ талаарх мэдээллийг МАН-ын эмэгтэй гишүүд үгүйсгэлээ.

УИХ-ын гишүүн Н.Оюундарь “Тийм асуудал Удирдах зөвлөл дээр яригдаагүй. Мэдээж улс төрийн нам өөрийн дүрмээрээ асуудлаа шийдээд явах ёстой. 2016 онд МАН-аас нэр дэвшиж УИХ-ын гишүүн болсон учир үүргээ ухамсарлах ёстой” гэсэн бол УИХ-ын гишүүн М.Оюунчимэг “Тийм зүйл болохгүй байх. Хариуцлага, шударга үнэнийн төлөө явж байгаа гишүүдээ хэрвээ хөөх талаар юм яригдвал МАн-ын бүлэг тарах хэмжээнд хүрнэ. Тиймээс УЗ ийм шийдвэр гаргахгүй байх” гэлээ.