Засгийн газрыг огцруулах асуудлаар УИХ дахь МАН-ын бүлэг завсарлага аваад байгаа. Харин худалдааны дараа Засгийн газрыг огцруулахыг дэмжиж гарын үсэг зурсан гишүүд Шадар сайд У.Хүрэлсүхийн өрөөнд хуралдаж байгаа бол гарын үсэг зураагүй гишүүд МАН-ын бүлгийн дарга Д.Хаянхярваагийн өрөөнд цуглаад байгаа юм. 

МАН-ын гишүүд ийнхүү хоёр хуваагдан хуралдаж буй шалтгааныг Шадар сайдын өрөөнөөс гарч буй Ц.Даваасүрэн, Я.Содбаатар нарын гишүүдээс тодруулахад "Бид энд хуралдсан зүйл байхгүй. Чуулган яагаад завсарлах болсон талаар санал солилцлоо. Энэ удаагийн ээлжит бус чуулган Ерөнхий сайдыг огцруулах асуудлаар хуралдах чуулган. Гэтэл Шадар сайдыг тагнаж чагнасан гэх асуудлаар завсарлага авлаа. Мөн МАН бүлэг энэ асуудлаар хуралдаад завсарлага авахгүй гэж шийдэлд хүрсэн. Түүнчлэн хуулийн энэ асуудлыг хэлэлцэх хуулийн хугацаа дуусч байгаа учраас хуулийн дагуу чуулганыг хуралдуулна гэж бодож байна. Бид энэ байр сууриа л нэгтгэж санал солилцлоо" гэх тайлбарыг өглөө. 

24tsag.mn