УИХ дахь МАН-ын бүлгийн 31  гишүүн Ж.Эрдэнэбатын тэргүүлсэн Засгийн газрыг огцруулах саналд гарын үсэг зураад байгаа билээ. Эдгээр гишүүд дээр хоёр гишүүн нэмэгдэж гарын үсгээ зурсан гэдгийг УИХ-ын гишүүн Х.Нямбаатар өгсөн. Тэрбээр "Засгийн газрыг огцруулах нь зөв хэмээн гарын үсгээ зурсан гишүүдээс буцсан нэг ч гишүүн байхгүй. Өнөөдөр миний ойлгож байгаагаар нэмж хоёр гишүүн уг албан бичигт нэмж гарын үсэг зурах төлөвтэй байна. Чухам хэн гэдгийг өөрсдөө мэдээлэх байх. Манай бүлэг нийт 65 гишүүнтэй. Үүнээс гарын үсэг зурсан гишүүдийн тоо 33 гишүүн болж байгаа учир олонхи болно гэж харж байна" гэж мэдэгдсэн. Тэгвэл үүний дараа эдгээр гарын үсэг зурсан гэх гишүүд УИХ-ын Ч.Улаан, Сү.Батболд нар гэх мэдээлэл гарсан ч Ч.Улаан үгүйсгэсэн. Тэгвэл дөнгөж сая УИХ-ын Тусгай хяналтын хорооны хуралдаанд оролцож буй УИХ-ын гишүүн Л.Энхболд өөрийн байр сууриа илэрхийлэхдээ уЗасгийн газрыг огцруулахыг дэмжиж Ч.Улаан, Сү.Батболд нар нэмж гарын үсэг зурсану гэх мэдээллийг өглөө.