Монгол Улсын Ерөнхийлөгч Х.Баттулгын санаачилгаар Монгол Улсын хүнсний аюулгүй байдлын үндэсний чуулганыг есдүгээр сарын 12-ны өдөр Төрийн ордны Их танхимд  зохион байгуулах гэж байна.

Энэ хүрээнд өнөөдөр 14.00 цагаас "Монгол хүний эрүүл мэнд-Хүнсний аюулгүй байдал" салбар хуралдаан "Иргэний танхим"-д болохоор товлогджээ.

“Монгол Улсын хүнсний аюулгүй байдал” сэдвээр үндэсний чуулган зохион байгуулснаар хүнсний салбарын хувийн хэвшилд тулгамдсан асуудлыг хэлэлцэж, тэдгээрийг шийдвэрлэх арга замыг тодорхойлох, төрөөс авч хэрэгжүүлэх шаардлагатай бодлогын арга хэмжээний саналыг боловсруулах, төр, хувийн хэвшлийн түншлэл, хамтын ажиллагааг бэхжүүлэх зэрэг үр дүнд хүрнэ хэмээн зохион байгуулагчид үзэж байгаа аж.