Олон улсын хүүхдийн төлөө “Save the Children” байгууллагаас хүүхдэд хамгийн ээлтэй дэлхийн орнуудыг тодруулжээ.
Дэлхийн 120 гаруй орныг нэгтгэсэн тус байгууллагынхан хүүхдийн өсөлт, хөгжил, хүмүүжилд гол нөлөө үзүүлдэг эрүүл мэнд, боловсрол, хоол тэжээл гэсэн гурван гол хүчин зүйлийг харгалзан хүүхдийн хөгжлийн индексийг гаргаж, үүгээрээ улс орнуудыг жагсаадаг байна.Уг жагсаалтыг Япон улс тэргүүлсэн бол Испани удаалж, Герман, Итали, Франц улсууд эхний тавд бичигдсэн байна. Түүнчлэн Канад, Швейцарь, Норвеги, Их Британи, Голланд улсууд эхний аравт багтжээ. Харин манай улсын хувьд 59 дүгээрт жагссан байна. Үүнийг өмнөх 2008 оны тайлантай харьцуулахад 12 байраар урагшилсан гэсэн үг юм.