Баянхонгор аймагт ургийн гажигтай хүүхдүүд олноороо мэндлэх болжээ. Сүүлийн жилүүдэд Баянхонгор аймаг нас баралтаараа тэргүүлж, эх, нярайн эндэгдлээр ч дээгүүрт яваа. Одоогоор хэлгүй, бөгснийнх нүх битүү алхаж явж чаддагүй гээд жилд 50 хүүхэд ургийн гажигтай хэмээн оношлогдож байна. Мөн төрөнгүүтээ хүн болохгүй нас барах тохиолдлууд ч буурахгүй байгаа юм.  Энэ бүхэн нь Баянхонгор аймагт ажиллаж байгаа уул уурхайн компаниудын буруу үйл ажиллагаанаас болж байгаа гэсэн мэдээллийг эмч нар өгч байна. Төрөлхийн гажигтай, хэлгүй, илүү хуруутай гээд элдэв гажигтай төрж байгаа хүүхдүүдээс гадна залуус эд хийж бүтээх насандаа тахир дутуу болж байгаа гэсэн хар мэдээг аймгийн иргэд өгсөн байна. Тодруулбал, гар аргаар ашигт малтмал олборлож байгаа иргэд ямар ч хөдөлмөрийн аюулгүй байдал хангаж ажиллаж чадахгүй байгаагаас унаж бэртэх мөн хөл гаргүй болох гээд залуу насандаа хөдөлмөрийн чадвараа алдах тохиолдлууд өсч байгааг баримтттайгаар хэлж, салбар хариуцсан хүмүүст үг даймаар байгаа аж.