УИХ-ын нэгдсэн чуулганаар Ерөнхий  сайдад нэр дэвшиж буй У.Хүрэлсүхийн асуудлыг хэлэлцэж байгаа билээ. МАН-ын Бага хурал, УИХ-ын  төрийн байгуулалтын байнгын хороогоор 100 хувийн саналтайгаар гарч ирсэн түүнийг УИХ-ын чуулганы хуралдаанд оруулахгүй хэмээн нэлээд ажиллаж буй тухай мэдээ байна. Тодруулбал УИХ-ын гишүүд чуулганд оролцохгүй хэмээн бойкотлож эхэлжээ.

МАН-д яг одоо сандал ширээний асуудал ширүүхэн маргаан өрнүүлж буй. Тус намын фракциуд шинээр байгуулагдах Засгийн газартаа орохын тулд янз бүрийн арга хэмжээ авч буй. Зарим эх сурвалжуудын мэдээлж байгаагаар тэдний нэг хэсэг нь аль хэдийнэ тохироогоо хийчихсэн гэцгээж байгаа ч намынхаа хамгийн том бүлэглэл болох хотын фракцийг эрх мэдлээс гадуур үлдээх ажлыг тун гарамгай хийж байгаа бололтой. Учир нь УИХ-ын дарга М.Энхболд, Ж.Эрдэнэбат нар эцсийн сумаа тавьж эхэлжээ.

Тэд монгол төрийг уландаа гишгэж, сайдын тохироо хийхгүй бол 60 тэрбумын бүлэглэлийн 30-аад гишүүдээ чуулганд оруулахгүй гэж бойкот хийж эхэлсэн байна. Гишүүд нь ч дарга  нарынхаа тушаалаар өнөөдрийн чуулган оролцохгүй хэмээн гүрийж эхэлжээ. М.Энхболд Ж.Эрдэнэбат нар хэзээнээс албан тушаалын наймаачин хэмээн цоллуулж ирсэн. Тэгвэл У.Хүрэлсүхийн Засгийн газар байгуулагдахм энэ үеэс эхлэн албан тушаалын шантаажчин гэх нэрийг давхар зүүж эхлэх нь байна.  

 24tsag.mn