УИХ-ын гишүүн асан С.Ганбаатарт холбогдох давж заалдах шатны шүүх хурал өнөөдөр 11.00 цагт Баянзүрх дүүргийн Эрүүгийн хэргийн  анхан шатны шүүх дээр эхэллээ.  

Монгол Улсын Ерөнхийлөгчийн 2017 оны ээлжит сонгуульд МАХН-аас нэр дэвшигч түүнийг БНСУ-ын иргэнээс 50 сая вон авсан хэргийг Баянзүрх дүүргийн Эрүүгийн хэргийн анхан шатны шүүхээс 1,4 сая төгрөгөөр торгох шийдвэр гаргасан.

Мөн Сонгуулийн тухай хуулийн  50 дугаар зүйлийн 50.1.1, 50 дугаар зүйлийн 50.8 , 52 дугаар зүйлийн 52.1.4 дэх хэсэгт заасныг тус тус зөрчсөн гэж үзэж, 50 дугаар зүйлийн 50.10.2 дахь хэсэгт зааснаар С.Ганбаатарт нэг сарын хөдөлмөрийн хөлсний доод хэмжээг 6 дахин нэмэгдүүлсэнтэй тэнцэх хэмжээний төгрөгөөр буюу 1,440,000 төгрөгөөр торгох шийтгэл ногдуулж, 50 сая воныг улсын орлогод буюу төрийн санд шилжүүлэхээр тус тус шийдвэрлэсэн юм.

Тэрбээр уг шийдвэрийг эсэргүүцэн давж заалдах шатны шүүхэд хандаж, улмаар хэргийг анхан шатны шүүхэд буцаасан. Өөрөөр хэлбэл, анхан шатны шүүхээс гарсан 1,4 сая торгууль, хандив болох 50 сая воныг улсын орлого болгох шийдвэрүүдийг хүчингүй болгосон юм.