УИХ-ын гишүүн Л.Энх-Амгаланг чуулганы нэгдсэн хуралдаанд оролцсон гишүүдийн 98.5 хувийн дэмжлэгээр УИХ-ын дэд даргаар сонголоо. МАН-ын Удирдах зөвлөлөөс УИХ дахь бүлэгтээ УИХ-ын дэд даргад УИХ-ын гишүүн Л.Энх-Амгалан, Ж.Энхбаяр, Ч.Улаан нарыг нэр дэвшүүлэхээр оруулсан. Улмаар бүлгийн гишүүдийн дийлэнх нь УИХ-ын гишүүн Л.Энх-Амгаланд саналаа өгсөнөөр УИХ-ын чуулганаар хэлэлцэж ийнхүү дэмжсэн юм. 

УИХ-ын дэд дарга Л.Энх-Амгалангийн товч намтрыг танилцуулбал,

ТӨГССӨН СУРГУУЛЬ, МЭРГЭЖИЛ

1987 онд Хөвсгөл аймгийн Мөрөн хотын 10 жилийн 2 дугаар дунд сургууль
1992 онд ОХУ-ын Санкт-Петербургын их сургууль
1996 онд АНУ-ын Дакотогийн их сургууль
2002 онд БНСУ-ын Хангдоны их сургууль тус тус төгссөн.

АЖИЛЛАСАН БАЙДАЛ

1992-1995 онд МОНЦАМЭ агентлаг, Ил товчоо сонины хариуцлагатай нарийн бичгийн дарга
1996 онд Интерпресс ХХК-ийн үүсгэн байгуулагч
1996-2012 онд Юнител групп, MCS электроникс ХХК-ийн захирлуудын зөвлөлийн дарга, MCS группын тэргүүн дэд ерөнхийлөгч
2012 онд Монгол Улсын ерөнхий сайдын хөдөөгийн бодлого, дэд бүтэц хариуцсан зөвлөх
2012-2016 онд Монгол Улсын Их Хурлын гишүүн
2012 оноос МАН-ын Удирдах зөвлөлийн гишүүн
2016 оноос Монгол Улсын Их Хурлын гишүүн
2016 оноос Монгол Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны дарга
2017 оноос Монгол Улсын Их Хурлын дэд дарга

ГАДААД ХЭЛ

Англи
Орос