Нийслэлийн иргэдийн Төлөөлөгчдийн Хурлын ээлжит 12 дугаар хуралдаан Хангарди ордонд хуралдаж байна. Хуралдаанд нийт 45 төлөөлөгч суухаас 27 төлөөлөгч буюу 57.8 хувийн ирцтэй эхэлсэн. 

Өнөөдрийн хуралдаанаар “Нийслэлийн эдийн засаг, нийгмийг 2017 онд хөгжүүлэх үндсэн чиглэлийн хэрэгжилтийн явцыг сонсох, нийслэлийн эдийн засаг, нийгмийг 2018 онд хөгжүүлэх үндсэн чиглэл батлах тухай”, “Агаар, орчны бохирдлыг бууруулах чиглэлээр 5-9 дүгээр сард хэрэгжүүлсэн үйл ажиллагааны тусгай төлөвлөгөөний биелэлт”, “Нийслэлийн иргэдийн Төлөөлөгчдийн Хурлын дотоод зохион байгуулалтын тухай” гэсэн гурван асуудлыг хэлэлцэхээр төлөвлөсөн.

Гэвч хуралдааны эхэнд хэлэлцэх асуудлын дарааллаар санал хурааж, төлөөлөгчдийн олонх НИТХ дахь дотоод зохион байгуулалтын асуудлыг эхэнд нь хэлэлцэхээр санал өгчээ. Улмаар хэлэлцэх асуудалд өөрчлөлт орсонтой холбогдуулан НИТХ дахь МАН-ын бүлгээс завсарлага авсан байна.  

Ингээд НИТХ-ын ээлжит хурал ирэх баасан гаригт буюу арваннэгдүгээр сарын 03-ны 09.00 цаг хуралдахаар завсарлажээ.