МАХН-ын Бага хурлын гишүүд шуурхай хэвлэлийн хурал зарлаж, нам дотроо буглаад байгаа асуудлаа нэн даруй шийдвэрлэхийг мэдэгдлээ. Бага хурлын гишүүд өнгөрсөн 10 дугаар сарын 23-ны өдөр намын дарга Н.Энхбаярт болон Гүйцэтгэх зөвлөлдөө зургаан зүйл бүхий шаардлага хүргүүлжээ. Тэд шаардлагынхаа хариуг авах гэж энэ сарын 30-нд очиход намын дарга Н.Энхбаяр “Та нар юу юм бэ. Юу ч биш юмнууд зайлцгаа” хэмээн хөөсөн байна.

Тэр ч бүү хэл МАХН-ын Тамгын газрын дарга Н.Уламбаяр намынхаа настай гишүүнийг зодож танхайрчээ. Тус хэрэг одоогоор цагдаагийн байгууллагад шалгагдаж байгаа аж. Жирийн гишүүдийнхээ энэхүү үйлдлийг намын зарим нэг удирдлагууд нь “АН, МАН-ын гар хөл боллоо, УИХ-ын гишүүн О.Баасанхүү МАХН-ыг бутаргалаа” хэмээн ярьж байгаад Бага хурлын гишүүд сэтгэл дундуур байгаагаа тэд онцоллоо.  “Н.Энхбаяр гэдэг хүн сүүлийн гурав дөрвөн жил гишүүдийнхээ дунд би хэцүүдлээ, миний эрх зөрчигдөж байна гэж ярьсаар ирсэн. Намын гишүүд ч манай намын даргын эрхийг зөрчиж байна хэмээн сэтгэл зүрхээрээ тэмцсээр ирсэн.

Гэтэл өнөөдөр Н.Энхбаяр өөрийн дэргэдээ байгаа хэдэн хүнтэйгээ нийлээд намынхаа жирийн гишүүдийнхээ эрхэнд нь халдаж байна.  Тиймээс бид ээлжит бус бага чуулганы зарлан хуралдсан. Их чуулганыхаа товыг зарла. Энэ болохгүй байгаа зүйлээ ний нуугүй яръя гэсэн. Гэтэл энэ шаардлагын эсрэг намын зарим удирдлагууд янз янзын мэдээлэл хийж байгаад харамсаж байна.

Гавьяат хуульч Шаравдорж хүртэл О.УБаасанхүү гишүүнийг улс төрийн алуурчин боллоо, сэтгэцийн өөрчлөлттэй юм байна. Өөр шашин шүтдэг хүн ийм болдог юм уу” хэмээн хэлэх хэлэхгүй үгээр дайрч байгаа нь байж боломгүй үйлдэл” гэлээ. 

24tsag.mn