УИХ-ын чуулганы нэгдсэн хуралдаанаар Сангийн сайд Ч.Хүрэлбаатарын томилгоонд тавьсан Ерөнхийлөгчийн хоригийг хэлэлцэж байна. Хэлэлцэж байгаа асуудалтай холбогдуулан гишүүд Ерөнхийлөгчийн Тамгын газрын дарга болон Хууль зүй, Төсвийн байнгын хорооны дарга нараас асуулт асууж байгаа юм.

УИХ-ын гишүүн О.Баасанхүү “Ч.Хүрэлбаатар гишүүний ах нар эзмшиж байсан лицензээ зарчихсан гэсэн мэдээлэл бий. Гэтэл Ч.Хүрэлбаатар гишүүн нэг цаас үзүүлээд манай ах нарын нэр дээр лиценз байхгүй гээд байх юм. Алинд нь итгэх ёстой юм бэ” гэхэд ЕГТ-ын дарга З.Энхболд “Хоригт байгаа 30 гэр бүл гэдэг тоонд эргэлзээд хүмүүс асуугаад байгаа юм. Одоогийн байдлаар ашиглалт, хайгуул нийлээд 3412 лиценз хүчинтэй байгаа. “Хотгор шанага” компанийн хувь нийлүүлэгчдийн хурлын шийдвэрээр 51 хувиа 10 сая ам.доллараар зарсан.

Энэ нь Ч.Хүрэлбаатар гишүүнтэй яаж холбогдоод байгаа юм бэ гэхээр хоёр ах, болон зөвлөх нь холбоотой. Гэтэл Ч.Хүрэлбаатар гишүүн манай ах нарын нэр дээр лиценз байхгүй гээд байгаа юм. Байхгүй байгаа нь үнэн. Яагаад гэвэл, өөрсдийнх нь нэр дээр биш өөрсдийнх нь эзэмшлийн компанийнх нь нэр дээр байгаа юм” гэв.