Сангийн сайд Ч.Хүрэлбаатар ирэх оны улсын төсвийн төслийг УИХ-ын Эдийн засгийн байнгын хороонд өчигдөр танилцууллаа.

УИХ-аас баталсан “Эдийн засгийг сэргээх хөтөлбөр”, ОУВС-ийн “Өргөтгөсөн санхүүжилтийн хөтөлбөр”-ийг үндэслэн ирэх оны төсвийн төслийг боловсруулжээ. Мөн төсвийн нэгдмэл, тэнцвэртэй байдлыг хангах, сахилга батыг сайжруулах, төсвийн алдагдлыг үе шаттай бууруулах, төсвийн тогтвортой байдлыг хангасан байна.

2018 оны нэгдсэн төсвийн тэнцвэржүүлсэн орлогыг 7,231.4 тэрбум төгрөг буюу ДНБ-ий 23.8 хувь,
Нийт зарлагыг 9,651.9 тэрбум төгрөг буюу ДНБ-ий 31.8 хувь,
Нийт алдагдлыг 2,420.4 тэрбум төгрөг буюу ДНБ-ий 8 хувь байхаар төсөлд тусгажээ.

ТӨСВИЙН ТӨСӨЛД ТУСГАСАН БОДЛОГЫН АРГА ХЭМЖЭЭНҮҮД

Эдийн засгийн үндсэн үзүүлэлтүүд төсвийн үндсэн үзүүлэлтүүд хоорондоо нягт уялдсан,
Улсын эдийн засгийг даах хэмжээгээр орлого, зарлагаа бодитой тооцсон, Үндсэн үзүүлэлтүүд олон улсын банк санхүүгийн байгууллагатай тохирсон,

Төсвийн төслийг хэрэгжүүлэх бүрэн боломжтой.

“Ажилсаг Монгол” хөтөлбөр хэрэгжүүлж, ЖДҮ-ийн салбарын боловсон хүчнийг бэлтгэх, сургах, давтан сургах тогтолцоог хөгжүүлэх, “Мэргэжилтэй ажилчин” хөтөлбөр хэрэгжүүлэх, судалгаа хийх, төсөл боловсруулах, Ази, Европын өндөр хөгжилтэй орнуудын туршлага судлах, туршилтаар залуучууд, мэргэжлийн ажилтнууд, ЖДҮ-ийн эзэд, мастеруудыг давтан сургах, хэлний сургалтад хамруулна.

УИХ-ын гишүүн Д.Тэрбишдагва энэ хөтөлбөрт зориулж 5 тэрбум төгрөгийг төсөвт нэмэх санал гаргахад хуралдаанд оролцсон гишүүдийн олонхи энэ саналыг дэмжжээ гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.