УИХ-ын гишүүдиын зарим нь энэ удаагийн парламент тарах нь зөв хэмээн ярих болсон билээ. Тодруулбал  УИХ дахь АН-ын бүлгийн дарга Д.Эрдэнэбат ажлаа хийж чадахгүй бол энэ УИХ-ыг тараах гарын үсэг цуглуулна хэмээн мэдэгдээд авсан. Тэгвэл түүний саналыг Ардчилсан намын дарга, УИХ-ын гишүүн С.Эрдэнэ дэмжинэ гэдгээ илэрхийлжээ.

Энэ талаараа "Улсын Их хурал намрын чуулган эхэлснээс хойш нэг ч хууль батлаагүй. Төсвийн хуультайгаа зууралдаад таарлаа. Мөн эрх баригч намын гишүүд хоорондоо талцаж 32, 33-аараа хуваагдаж хэрэлдлээ. Энэ байдлыг нийтээрээ харж байна. Би бол энэ удаагийн намрын чуулганы үйл явцад "нойл" үнэлгээ өгнө. Ер  нь энэ парламент ажиллах чадамжгүй байна. Шаардлагатай гэж үзвэл тарахад ч гэмгүй.

Сонгогчдын итгэл найдварыг хөсөрдүүлж байгаа учраас улс орны эдийн засаг нийгмийн асуудлыг самарч, төрийн тогтворгүй байдлыг бий болгочхоогүй дээрээ нийгэмд эмх замбараагүй байдал үүсэхээс урьдчилан сэргийлж яаралтай тарах ёстой. Дараагийн нөхөн сонгуулийг явуулж чадварлаг, илүү бүтээлч парламентыг сонгож гаргаж ирэх нь зүйтэй. Хэрвээ УИХ-ыг тараах бичиг ороод ирвэл би гарын үсэг зурна. Дэмжинэ" гэсэн байна.