Их эзэн Чингис хааны мэндэлсэн өдөр, Монгол бахархлын өдрийг тохиолдуулан "Чингис хаан" Төрийн дээд шагнал гардуулдаг уламжлалтай. Энэ жил уг шагналыг хэн хүртэх талаар олон таамаг явж байсан ч дөнгөж сая ЕТГ-ын дарга З.Энхболд шагналын эзнийг зарлалаа.

Монгол Улсын төрийн дээд шагнал-тэргүүн зэргийн одон "Чингис хаан" одонг Хөдөлмөрийн баатар Н.Түвшинбаяр хүртэхээр болжээ. 

Уг шагналыг улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан нэг иргэнд олгодог билээ.