Төрийн албан хаагчдад жилд нэг удаа үр дүнгийн урамшуулал болгож 300 мянган төгрөг олгохоор болж, санхүүжилтийг нь 2018 оны төсвийн тодотгол болон 2018 оны улсын төсөвт суулгасан. Ийнхүү 2017 онд 54.9 тэрбум тэрбум, 2018 онд 56 тэрбум төгрөг төлөвлөсний дагуу өчигдрөөс эл мөнгө төрийн албан хаагчдын дансанд орж эхэлжээ. Төрийн алба хаагчдад үр дүнгийн урамшуулал олгохдоо сахилгын шийтгэл оногдсон буюу сахилгын арга хэмжээтэй байгаа хүмүүст олгохгүй гэж байсан. Өнөөдрийн байдлаар төрийн албанд 180-200 мянган хүн ажилладаг гэх тооцоо бий. Энгий-нээр тайлбарлавал нийт ард түмний 16-17  хувь нь төрийн албан хаагч. Тэгвэл Монгол Улсын Үндсэн хуулийн Хоёрдугаар бүлгийн 14 дүгээр зүйлийн хоёрт, “Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно. Хүн бүр эрх зүйн этгээд байна.” гэж заасан байна. Энэ заалт юу болох вэ? Хувийн компанид ажиллагсад Монгол Улсын иргэн биш юм уу. Эрхэлсэн ажил, албан тушаалаар нь ялгаварлан гадуурхах нь зөв юм уу? Эс бөгөөс төрийн албан хаагчид л Монгол Улсын иргэн,  бусад нь...

24tsag.mn