Засгийн газрын 2018 оны анхны хуралдаан  Засгийн газрын хуралдааны танхимд болж байна. Тус хуралдаанаар өвөл, хаврын улиралд хурдан морины уралдааныг бүрэн хориглох тухай, Улаанбаатар хотын агаарын бохирдлыг бууруулах зарим шийдлийн тухай, Банкин дахь мөнгөн хадгаламжийн даатгалын тухай хуульд нэмэлт, өөрчлөлт оруулах тухай хуулийн төсөл болон холбогдох бусад хуулийн төсөл зэрэг хэд хэдэн чухал асуудлыг хэлэлцэхээр товлосон байсан ч өвөл, хаврын улиралд хурдан морины уралдааныг бүрэн хориглох тухай асуудлыг хойшлуулжээ. Энэ удаагийн хуралдаанаар Улаанбаатар хотын агаарын бохирдлыг бууруулах зарим шийдлийн тухай нэлээд өргөн бүрэлдэхүүнтэй хуралдахаар төлөвлөсөн тухай Ерөнхий сайд У.Хүрэлсүх өнөөдөр мэдээлэл хийсэн. Тиймээс уг асуудалтай холбогдуулан хурдан морины уралдааныг бүрэн хориглох хойшлуулсан байж болзошгүй байна.