УИХ-ын гишүүн О.Баасанхүү цахим хуудсаараа дамжуулан мэдээлэл хийсэн байна. Тэрбээр МАХН-аас суудлын мөнгөө нэхэмжилж, тодорхой хувийг хуулийн дагуу өөртөө авна хэмээжээ. Түүний цахим хуудаст мэдээлснээр “Намайг МАХН-аас хөөлөө гэж найман удаа мэдэгдсэн. Тэгсэн хэрнээ энэ хоёр жилийн хугацаанд УИХ-д МАХН-аас суудалтай учраас гээд 124 сая төгрөгийг улсаас авах хүсэлт өгсөн байгаа юм. Үүний 10 сая төгрөгийг улс төрийн намын тухай хуулиар намаас надад өгөх үүрэгтэй. Би энэ мөнгийг хувьдаа авахгүй. Тойргийн иргэдийнхээ сайн сайхны төлөө зарцуулах ёстой” хэмээн бичжээ. 

Нэгэн цагт МАХН-ын үнэнч цэрэг, Н.Энхбаярын хамгаалагч, хуульч өмгөөлөгч зэрэг олон ажлыг амжуулдаг байсан тэрээр өдгөө МАХН-аасаа нүүр буруулав. Н.Энхбаярын шүтэн бишрэгч байхаа больсон байна. Бүр МАХН-ыг Н.Энхбаяраас булааж авах цахилгаан дайны төлөвлөгөө боловсруулан үзэлцсэн ч шүүх дээр очоод бүдэрчихсэн.

Харин одоо мөнгө өг хэмээн дарамталж байх шиг. Арга ядсан л асуудал юм уу даа.