Монголчуудын анхаарлыг хамгийн ихээр татаж байгаа сэдэв бол шатахууны үнийн өсөлт. Шатахуун импортлогчид дэлхийн зах зээл дээр нефтийн үнэ өссөн, оросууд шатахууны үнэ нэмсэн тул бид нэмэхээс өөр аргагүй гээд байгаа. Гэтэл “РИА” мэдэллийн агентлагийн гаргасан мэдээнээс үзвэл энэ оны хоёрдугаар сард 1 тонн бензиний үнэ 45 мянган рубль байснаа даруй 5000-аар хямдарч 40000 болсон аж. Оросын шатахууны зах зээлд нийлүүлэлт нь эрэлтээсээ хол давж гарсан тул буурахаас өөр аргагүй гэсэн байна. Газрын тосноос шатахуун үйлдвэрлэх шинэ үйлдвэрүүд Орост ашиглалт орсон тул экспортоо багасгалгүйгээр дотоодын хэрэгцээгээ хангах боломжтой болсон гэдэгт мэргэжилтнүүд санал нэг байгаа.

Манай импортлогчид яагаад үнэ, ханшаа нэмсэн нь ойлгомжгүй болж хувирлаа.