Өчигдөр фейсбүүкээр Ерөнхийлөгч асан Ц.Элбэгдоржийн Пёнчаны хоккейн ордонд ОХУ-ХБНГУ-ын хоккейчдын аваргын төлөөх тоглолтын үеэр авхуулсан зураг тавигдаж хэсэгхэн шуугиулаад авсан. Тэгвэл өвлийн олимп үзсэн шиг тарвалзаж яваа мань эр саяхан АН-ын гишүүнчлэлээ сэргээхээр намынхаа удирдлагад хандсан гэгдээд байгаа. 1990 оны ардчилсан хувьсгалыг тарваган малгай, цэрэг нэхий дээлтэй эхлүүлж байсан тэрээр өнөөдөр тив алгасан нисч, АНУ-д казино тоглож, Солонгост олимп үзсэн шиг ёстой нэг тарвалзан жаргаж яваа нэгэн. 1990 оны Цагаан морин жилийн хувьсгалын үеэр “Сайд нарын зөвлөлийн эрх ямбыг хурааж, тусгай хангамжийг үгүй хийцгээе” хэмээн Монголчуудыг уриалан дуудаж явсан тэрээр өнөөдөр өөрөө жинхэнэ тусгай хангамж гээчийг 200 хувь хэрэглэж, МАНАН-гийн мафиг удирдан чиглүүлж, Монголын хууль шүүх, АТГ-ыг хөшигний араас удирдаж байгаа гэдгийг ард түмэн хэнээр ч хэлүүлэлтгүй сайн мэдэж байгаа. Өнөөдөртөө Монголд биш, Солонгост зугаалж яваа Ц.Элбэгдоржийн Монголын улстөрд буцаж ирэх хүсэлтийг АН-ын удирдлагууд хэрхэн хүлээн авч, цаашид улстөрийн дэмжлэг үзүүлэх эсэх нь одоогоор тодорхойгүй байгаа. Гэхдээ түүнийг цааш түлхэхгүй гэдэг нь тодорхой. Мэдээж түүнтэй жаахан түр тар хийдэг Ерөнхийлөгч Х.Баттулга намын гишүүнчлэлээсээ түдгэлзсэн байгаа, АН-ын даргаар С.Эрдэнэ ажиллаж байгаа, Н.Алтанхуяг түүний хүсэлд хязгаарлалт тавих эрхгүй гээд Ц.Элбэгдоржид Монголын улстөрд буцан орж ирэх боломж бүрэн нээлттэй байгаа нь ойлгомжтой юм. Нөгөөтэйгүүр Хэнтийн 42 дугаар тойргоос сонгогдсон УИХ-ын гишүүн Д.Гантулга хүчингийн хэрэг хийсэн нь бараг л тогтоогдож, хэзээ мөдгүй шүүхээс хүчлэн баривчилж магадгүй нөхцөл үүсээд байгаа нь Ц.Элбэгдоржийн Монголын улстөрд эргэн шургалах гэсэн шуналын галыг бадамлуулан асааж байгаа нь ч тодорхой. Улстөрийн хүрээнд УИХ-ын сонгуулийн 42 дугаар тойрогт болж мэдэх нөхөн сонгуульд МАН-аас Ерөнхий сайд У.Хүрэлсүх, АН-аас ЕТГ-ын дарга З.Энхболд, УИХ-ын гишүүн асан Б.Гарамгайбаатар нарын нэг нь нэр дэвшиж магадгүй гэх яриа өрнөж байгааг эх сурвалжууд мэдээлсэн. Харин Ц.Элбэгдоржтой хувийн тооцоотой МАХН-ын дарга Н.Энхбаярын хувьд МАХН-ын дэд дарга С.Ганбаатарын нэрийг дэвшүүлнэ гэж байгаа ч хэрэв Ц.Элбэгдорж дэвшвэл Н.Энхбаяр өөрөө нэр дэвшиж түүнтэй халз өрсөлдөхөөс татгалзахгүй гэдгээ ил, далд илэрхийлэх болсон.
Хэрэв хүчингийн хэрэгт нэр холбогдсон УИХ-ын гишүүн Д.Гантулгыг шууд баривчлах нь тодорхой болбол УИХ-ын сонгуулийн 42 дугаар тойрогт нөхөн сонгууль болно.
УИХ-ын тухай хуулийн 6.6-д
6.6.5. Үндсэн хуулийн цэц гишүүнийг эгүүлэн татах үндэслэлтэй гэсэн дүгнэлт гаргасныг УИХ хүлээн авсан
6.6.6. гишүүн гэмт хэрэг үйлдсэн болох нь шүүхийн хүчин төгөлдөр шийтгэх тогтоолоор батлагдсан тохиолдолд УИХ-ын гишүүний бүрэн эрх дуусгавар болсонд тооцно гэснийг үндэслэн Д.Гантулгын сонгогдсон Хэнтийн 42 дугаар тойрогт нөхөн сонгууль явагдаж болзошгүй нөхцөл үүсээд байгаагаас Ц.Элбэгдорж, Н.Энхбаяр хоёрын дуэль дахин өрнөж магадгүй нөхцөл байдал үүсээд байгаа юм. Хэрэв Хэнтийд нөхөн сонгууль болвол Хэнтийчүүд Ц.Элбэгдоржоос илүүтэй МАХН-ын дарга Н.Энхбаярт итгэл үзүүлэх магадлалтай. Сонгуулийн үр дүн тэгж эргэвэл Ц.Элбэгдоржийн Монголын улстөрд эргэн ирэх их хүсэл хойшлогдох нь ойлгомжтой. Хэрвээ байдал тэгж эргэвэл улстөрийн хамгаалалтад орж МАНАН-гийн мафигаар Монголын улстөр, эдийн засагт учруулсан гэм нүглээ нуух гэсэн түүний хүсэл талаар болж, эсрэгээрээ хэзээ нэгэн өдөр шударга шүүхэд дуудагдаж ч болзошгүй нөхцөл байдал үүсч мэдэх юм.
Д.Түвшин
Сэтгэгдэл (36)