Украины Ерөнхийлөгч Петр Порошенко удахгүй Донбасст дайн хийж салан тусгаарлагчдыг нам дарна гэдгээ ил тод мэдэгдэж эхлэв. Тэрбээр уржигдар “Украинская правда” сонинд ярилцлага өгөхдөө “Бид Крымээ алдаад маш их асуудалтай тулгарсан. Одоо араас нь Донбассыг алдаж хэрхэвч болохгүй. Бид дараагийн хэдэн өдөр Донбассыг эргүүлэн авах дайныг эхлүүлсэнээр В.Путинийг гуравдугаар сарын 18-нд ОХУ-ын ерөнхийлөгчийн албан тушаалд нэр дэвшүүлэхэд саад учруулах болно” хэмээн мэдэгджээ.
Тэгвэл Украины Ерөнхийлөгчийн аюултай мэдэгдлийн талаар ОХУ-ын “Коммерсант. RU” сайтад “Киевийн дарангуйллын дэглэмийг хянаж буй хэвлэл мэдээллийн хэрэгслүүд Украины түрэмгийллийн талаар дуугарахгүй байж магадгүй. Тэд зөвхөн Оросын дайралт, Донбасс дахь оросын эзэрхийллийг няцаах хэрэгцээтэй талаар суртал ухуулгын кампанит ажлыг өрнүүлж эхлээд байгаа. Энэ нь ирэх өдрүүдэд Киевийн дэглэм том хэмжээний өдөөн хатгалга эхлүүлэхийг харуулж байна хэмээн ОХУ-ын Батлан хамгаалах яамны сайд С.Шойгу мэдэгдэж байгаа. ОХУ-ын Ерөнхийлөгчийн сонгуулийн өмнөхөн П.Порошенкогийн эхлүүлэхээр зүтгэж байгаа шинэ дайны гол зорилго нь Оросын Ерөнхийлөгчийн сонгуульд нөлөөлөх гэдэг нь тодорхой юм. Мэдээж тэр бол хамгийн магадлалтай хувилбар.
Донбасст дахин дайтах ажиллагаа эхэлнэ. Тэр нь улам өргөжин тэлнэ. Дараа нь Донецк, Луганск, Горлока нарын төвд харгис хэрцгий цохилт өгөхийг санаархана. Мэдээж тэр байлдааны хөлд энгийн номхон олон иргэд амь нас, эрүүл мэндээрээ хохирох нь тодорхой. Харин ингэснийх нь дараа АНУ Петр Порошенкод нөлөөлж дайн байлдааныг зогсооно. Мөн тэд Оросын хүн амын хариу үйлдлийг хүлээх болно. Мэдээж манай Оросод дайн хэрэггүй, бид ихээхэн хүнд байдалд орох болно. Энэ асуудалд одоогоор хариулахад маш хэцүү. Одоогоор Донбасст хоёр талын тэмцэл түр намжаад байгаа. Гэхдээ удахгүй В.Путин Донбасс дахь Оросуудыг хамгаалж чадаагүй гэж буруутган, түүний нэр хүнд Ерөнхийлөгчийн сонгуулийн өмнөхөн унаж эхэлнэ. Үүнийг л П.Порошенко тооцоолж суугаа. БНХАУ Донбассын дайныг хэрхэн хүлээж авах нь одоогоор тодорхойгүй байгаа ч ямар ч гэсэн П.Порошенког дэмжихгүй нь л үнэн билээ. Харин А.Меркель, Макрон нар өдөр бүр дуугарах бөгөөд шинэ том хэмжээний шийтгэл хүлээлгэхийн тулд хурц алхмуудыг хийхгүй л болов уу.
Донбасс хотын төвийг бөмбөгдөх нь хакер биш гэж Украины Ерөнхийлөгч үзэж байгаа юм. Гэхдээ тэр нь удахгүй аймшигтай бодит байдал болж болно. Хамгийн гол нь П.Порошенкогийн энэ аюултай төлөвлөгөөний талаар дэлхий нийтэд мэдэгдэх шаардлагатай. Хэрэв дэлхий даяар энэ тухай ярих юм бол хэдэн зуун амьдралыг хамтдаа хамгаалж, Европыг шинэ цэрэг, улстөрийн хямралаас сэргийлэх боломжтой юм. Үүнийг олон нийтийн санал бодлын хүч гэж нэрлэдэг” хэмээсэн байна. Ийнхүү хэдэн сар тайван амгалан байсан Украины зүүн бүс Донбасст дахин дайны гал дүрэлзэх бололтой.
Д.Түвшин
