Төр түшилцэж, түмний төлөөлөл болон хууль тогтоох дээд байгууллагад ажилласан байсан эрхмүүд ээлж дарааллан хуулийн байгууллагын хаалга татаж байна. Үүний нэг нь УИХ-ын гишүүн асан Д.Арвин. Түүнийг улсад их хэмжээний хохирол учруулсан байж болзошгүй гэх хэрэгт холбогдуулан Авлигатай тэмцэх газраас шалгаж байгаа.
Тодруулбал, Д.Арвиныг Баянзүрх дүүргийн Хөдөлмөр халамж үйлчилгээний хэлтсийн Ахуйн үйлчилгээний цэг байгуулах 1.3 тэрбум төгрөг, Сургалтын төв байгуулах нэрээр 150 сая төгрөгийг хяналтгүй зарцуулсан байж болзошгүй гэж үзсэн байна.
Түүнтэй хамт нэр бүхий зарим албан тушаалтнууд эрх мэдлээ хэтрүүлж, хууль тогтоомж зөрчин, төсвийн мөнгөний зарцуулалтад хяналт шалгалт хийгээгүйн улмаас улсад онц их хэмжээний хохирол учруулсан байж болзошгүй үйлдэлд АТГ эрүүгийн хэрэг үүсгэн шалгасан байна. Тэгвэл Д.Арвин нарын холбогдсон хэргийг өнгөрсөн хоёрдугаар сард АТГ-аас шалгаж дуусаад, прокурорт шилжүүлсэн мэдээлэл байна.
Сэтгэгдэл (4)