Монгол Улсад үндэсний сэтгүүл зүй үүсч хөгжсөний 105 жилийн ой өнөөдөр тохиож байна. Тэртээх 1913 оны гуравдугаар сарын 6-ны өдөр  “Шинэ толь” гэдэг  сонин, бичгийн анхны дугаар хэвлэгдэн гарсан нь Монголд сэтгүүл зүйн салбар үүссэн түүхэн өдөр болон тэмдэглэгдэн үлдсэн юм. Энэхүү сонины эрхлэгчээр их соён гэгээрүүлэгч Жамсрангийн Цэвээн ажиллаж байсан бөгөөд түүнийг Монголын сэтгүүл зүйн салбарыг үндэслэгч хэмээн үздэг билээ. Цаг хугацаа, эргэх дөрвөн улирал ээлжлэн хөвөрсөөр өдгөө 105 жилийн ойтойгоо Монгол Улсын сэтгүүл зүйн салбар золгож байна.
Сэтгүүл зүйн анхны алхам болох “Шинэ толь” сонин бичиг 50 орчим хуудастай сэтгүүл хэлбэрээр 500 хувь хэвлэгдэж, Төрийн байгууллагуудад тараагддаг байсан түүхтэй. Цөөхөн хэдэн ширхгийг  нь иргэдэд худалдаалдаг байсан нь түүхийн шаргал хуудаснаа бий.

Ийнхүү Монгол Улсад сэтгүүл зүй үүсч хөгжссөний 105 жилийн ой тохиож байна. Нийт редакци, сэтгүүлч, ахмад буурлууддаа энэхүү ойн баярын мэндийг хүргэе ээ.