Парламентын сонгуульд ялагдал хүлээж, намын дарга, удирдах албаны хүмүүсээ шинэчлээд амжсан АН дотоод дахь сонгуулиа дуулиан шуугиантайхан хийгээд амжлаа. Намын толгойлогчоо сонгохдоо ардчилсан маягаар зохион байгуулж байгаа нь энэ хэмээн нэгнийхээ муу муухайг дуудалцсан. Үзэл баримтлалаа өөрчил, шинэчлэн урдаа тавих зорилготой, алс хэтийг харсан нам боллоо гэж тунхагласан нь саяхан. Гэтэл алсын хараатай, ардчилсан бус албан тушаалын төлөө үхэлдэн тэмцэлдэгч нарын нам болон хувирчээ.

Ингэж хэлснээр тус намыг муулж, бусдыг товойлгох гэсэнгүй. Учир нь, намын дотоод сонгуультай холбоотой, булхай луйврын арга хэрэглэж, алалдахаас ч буцахааргүй тэмцэлдэх бичлэгүүд сошиал ертөнцийг чимж эхэллээ. Мөн ч их гутамшиг, албан тушаал эзэмшихээр зүтгэж буй нөхдүүд харагдах. Намын эрх мэдлийн төлөө ингэж ичгүүргүйгээр тэмцэлдэж байгаа хүмүүс төрд дарга тодруулах сунгаанд дайн дэгдээж ч мэдэхээр. Ерөнхийдөө АН-ын ирээдүйн зураг, төөрөг бүрхэг болжээ.  

АН С.Эрдэнэ гишүүнээр овоглогдож эхэлснээс хойш зах замбараагаа алдаа юу гэсэн бодол ч төрөх. Баянгол дүүргийг өөрийн вант улс мэтээр тооцдог эрхэм гишүүн АН-ыг юу болгож хувиргаа вэ гэх харуусал намын гишүүдийнх нь дунд байна. Ямартай ч ням гарагт өрнөсөн дотоод сонгууль дуулиантай гэхээсээ илүү ичгүүргүйн туйл болж өндөрлөсөн. Энэ бүхэн дараах бичлэгээс тод харагдана.