Хаврын синдром МАН-ынханд нэлээд хүчтэй нөлөөлжээ. Түгжрэлийг арилгах төлөвлөгөө нь олныг бухимдуулж, түмний төлөө гаргасан шийдвэр нь шоконд оруулах нь. Сүүлдээ улаанбаатар хотод машин унаж болохгүй гэх нь холгүй байна. Учир нь, Д.Амарбаясгалан гэх эрхмийн жиргээ үүнийг илтгэнэ. Тэрбээр таксины үйлчилгээ үзүүлэх эрхгүй халтуур хийж амь зогоож, ар гэрээ тэжээдэг хүмүүсийг торгох, жолоодох эрхийг хасах санал гаргаж. Ингэснээр хөдөлгөөний ачаалал буурах юм байх. Таван төгрөг олох гэж нийтэд үйлчилж байгаа тэр хүмүүс л авто замын ачааллыг нэмээд байгаа бололтой.

Тэгвэл эрхэм даргаа албан ёсны эрхтэй таксины үйлчилгээ хотын иргэдийн хэрэгцээг 100 хувь хангаж чадах уу. Гацаа түгжрэлийг бууруулахын тулд амь зуух унааг нь ад үзэж, жолоо барих эрхийг нь хязгаарлана гэдэг оновчтой шийдэл биш. Ноён Д.Амарбаясгалан таны ухаан санаа зүгээр бол иргэдээ, олон нийтэд үйлчлэн амь зуух хэдэн төгрөг олж яваа хүмүүсийн эрх ашгийг хөндөхгүй байх нь зүйтэй. 

Ер нь, халтуурчдыг хазаарлаж, авто замын түгжрэлийг бууруулах гайхалтай мэргэн санааг дэвшүүллээ. Гэхдээ энэ арга нь бүтэх болов уу гэсэн асуулт байна. Ерөнхийдөө ийм нэгэн гажиг гэхэд дэндүү санал гаргасан нь хачирхалтай.

Хавар цагийн синдром, илийрэл төрийн дээдсүүдэд хүчтэй нөлөөлж байх шиг.