Оюуны өмч, улсын бүртгэлийн ерөнхий газрын дарга Р.Содхүүг үүрэгт ажлаас нь чөлөөлөх шийдвэр гаргажээ. 

Р.Содхүү нь тэтгэврийн насанд хүрсэн тул ажлаас нь чөлөөлсөн гэх мэдээлэл байна. Тэрбээр 1990 оноос хойш дандаа даргын алба хашжээ. Тодруулбал, Сэлэнгэ аймгийн орлогч дарга, Үнэт цаасны хорооны Хөрөнгө оруулалтын хэлтсийн дарга, Монгол Улсын Их Хурлын гишүүн, Хөрөнгийн Биржийн Гүйцэтгэх захирал, Мэргэжлийн хяналтын ерөнхий газрын дарга, Үндэсний статистикийн хорооны дэд даргаар ажиллаж байсан аж. 

Рэнцэнгийн СОДХҮҮ

• 1976 он: ХААИС-ийг эдийн засагч, санхүүч мэргэжлээр төгссөн. 
• 1987 он: Удирдлагын академийг төгссөн
• 1971-1973 он: Сэлэнгэ аймгийн Орхон сумын дунд сургуульд багш 
• 1977-1978 он: Сэлэнгэ аймгийн ХААУГ-т санхүүгийн байцаагч 
• 1978-1982 он: Сэлэнгэ аймгийн Баян хараатын САА-д ерөнхий нягтлан бодогч
• 1982-1987 он: Сэлэнгэ аймгийн Орхон САА-д ерөнхий нягтлан бодогч 
• 1990-1991 он: Сэлэнгэ аймгийн Орхон сумын АДХГЗ-ны дарга
• 1991-1992 он: Сэлэнгэ аймгийн АДХГЗ-ны Санхүүгийн хэлтсийн дарга
• 1992-1994 он: Сэлэнгэ аймгийн Засаг даргын I орлогч дарга 
• 1995-1996 он: Монгол Улсын Үнэт цаасны хорооны Хөрөнгө оруулалтын хэлтсийн дарга
• 1996-2004 он: Монгол Улсын Их Хурлын гишүүн
• 2005-2011 он: Монголын Хөрөнгийн Бирж ТӨХК-ийн гүйцэтгэх захирал 
• 2011-2012 он: Мэргэжлийн хяналтын ерөнхий газрын дарга 
• 2015 он: Үндэсний статистикийн хорооны дэд дарга 
• 2015.02.18: Сонгуулийн Ерөнхий Хорооны гишүүнээр ажилласан.
• 2016.10.13: Оюуны өмч, улсын бүртгэлийн ерөнхий газрын даргаар томилогдож байв.