Зуны олимпийн наадамд өдгөө 42 спортын 300 гаруй төрөл багтаж байна. Харин орчин үеийн олимпийн наадам анх зохиогдож байхад тун хачирхалтай тэмцээнүүд багтаж байжээ. Тэдний олонхи нь амархан эсвэл олон нийтэд хүрч чадаагүй гэсэн шалтгаанаар он жилийн шалгуурт тэнцэлгүй олимпийн наадмаас хасагджээ.Зуны олимпийн наадамд өдгөө 42 спортын 300 гаруй төрөл багтаж байна. Харин орчин үеийн олимпийн наадам анх зохиогдож байхад тун хачирхалтай тэмцээнүүд багтаж байжээ. Тэдний олонхи нь амархан эсвэл олон нийтэд хүрч чадаагүй гэсэн шалтгаанаар он жилийн шалгуурт тэнцэлгүй олимпийн наадмаас хасагджээ.
Тагтаа буудах-Хамгийн харгис тэмцээн
Францын Парис хотол 1900 онд болсон олимпийн наадамд тамирчид “тагтаа буудах” гэдэг төрлөөр өрсөлджээ. Энэ харгис гэмээр тэмцээнийг ганцхан Парисын олимпийн наадмаар зохиосон. Гэхдээ маш олон тамирчид оролцож, үзэгчдийн сониорхлыг ч ихээр татжээ. Тоглоомын дүрмээр бол шүүгчдийн тогтоосон цагт мэргэн буучид аль болох олон амьд тагтаа оносон нь ялагч болно. Энэ зураг дээр Австралийн мэргэн бууч Доналд Макинтош байна. Тэрбээр амьд тагтаа буудах анхны болон сүүлийн тэмцээнд хүрэл медаль авчээ. Хожим энэ тэмцээнийг амьтны эрхэнд халдсан, эв найрамдлыг бэлгэдсэн олимпийн наадмыг гутаасан гэж хасчээ.
Олсоор авирах- Хамгийн амархан тэмцээн
Зуны олимпийн наадмын гимнастикийн төрөлд ийм нэгэн сонирхолтой тэмцээн багтдаг байжээ. Анхны орчин үеийн олимпийн наадам болсон 1896 онд олсоор авирах төрлийг оруулжээ. Тамирчид 13 метр олсоор хамгийн богино хугацаанд авирч гарсан нь ялагч болдог байсан аж. Харин 1924 оны олимпод 22 тамирчин нэг зэрэг дээд оноог нь авснаар шүүгчид хэрэггүй тэмцээн байна хэмээн дараагийн олимпийн төрлөөс хасчээ. Дээр нь олсонд авирах төрлөөр зөвхөн америкчууд хичээллэдэг байсан тул глобал спортын төрөл болж чадаагүй байна.
Бөмбөлөг хөөргөх
1900 оны олимпийн наадамд дахиж хэзээ ч олимпийн төрөлд ороогүй нэгэн сонирхолтой тэмцээн байжээ. Тухайлбал 1900 оны Парист болсон олимпод бөмбөлөгөөр нисэх тэмцээн багтаж байжээ. Тухайн үед бөмбөлөг нисэх нь шинэ үзэгдэл байсан тулүзэгчдийг ихээр татсан. Тамирчид тогтоож өгсөн хугацаанд багтан товлосон газраа осол, саалталгүй буух нь тэмцээний дүрэм байжээ. Цорын ганц удаа болсон энэ тэмцээнд эзэн орон болох Францын баг түрүүлж байсан түүхтэй аж. Тухайн үед бөмбөлөгөөр хөөрөх нь техник ашигласан тэмцээн хэмээн хассан байдаг.
Теннисний “өвөг” Jeu de paume
Лондон хотод 1908 онд зуны олимп болоход Jeu de paume гэж нэрлэдэг теннисний анхны төрлийг оруулж байжээ. Орчин үеийн теннис, бэйсболлтой төстэй ч цохисон бөмбөгийг гараараа барьдаг байв. Ихэвчлэн язгууртнууд энэ тоглоомоор тоглодог байсан тул “дээд зиндааны” гэж нэрлэдэг байсан. Мөн биеийн хүч, ур чадвар төдийлөн шаарддаггүй гэж олимпийн наадмаас гээгдсэн түүхтэй аж.
