Өнгөрсөн  ням гаригт BBC телевизээр  “Амь өрссөн уурхай” нэртэй  монголын тухай нэвтрүүлэг  гаржээ. Энэ кинонд монголын нүүдэлчин  ардын  ахуй амьдрал болоод гар аргаар алт олборлогчдын тухай үзүүлсэн байна.
  Нэвтрүүлэгт “Монгол бол азийн хөгжил буурай  орнуудын нэг. Сүүлийн  жилүүдэд газрын баялагаа ашиглан эдийн засаг нь хурдацтай өсч буй  орнуудын  тоонд шилжин  ороод байгаа. Гэсэн хэдий ч  хүн амийн дундах ажилгүйлдэл, ядуурал төдийлөн буурахгүй хэвээр  байгаа.  Судалгаанаас үзэхэд нийт хүн  амын 40 орчим  хувийг ядуу иргэд  эзэлдэг.  Тэдгээр иргэдийн 100 мянга  орчим нь хөдөө орон нутагт  гар  аргаар алт  олборлож амь зуудаг” гэж мэдээлсэн байна. Мөн уурхайн  ажилчдын аюулгүй байдал  болоод ажиллах орчин  нөхцлийн талаар тухайлан бичсэн байлаа.
Мөн манай орны  цаг уурын онцлогийн талаар  нэлээд  чухалчлан дурдсан байна.          Үүнд байгалийн онц үзэгдэл болох зуд турхан,  хуурайшилтай бүс нутгийн талаар бичсэн юм. BBC-гийн сурвалжлагчид говийн болон төвийн нутгуудаар   явж сурвалжлагаа бэлтгэсэн  байв.  Тэд  хэд  хэдэн  томоон уурхайтай  танилцсан   бөгөөд  монголын  эдийн  засгийн  талаар нарийн  тодорхой мэдээлсэн  байна. Эдийн  засгийн  хурдац болоод хүн  амын амжиргааны төвшин  харьцангуй байгааг онцолжээ.