Засгийн газраас гарсан шийдвэртэй холбогдуулан ЗГХЭГ-ын дарга Л.Оюун-Эрдэнэ мэдээлэл хийлээ. Тэрбээр 2016 оны есдүгээр 9-ны өдрийн 32 дугаар тэмдэглэл Эрдэнэт үйлдвэр ХК болон Монгол Орос хувьцаат компаниас авсан зарим арга хэмжээний тухай тэмдэглэлийг нууцаас гаргаж байна" гэв. Уг тэмдэглэлийг нууцаас гаргах хэд хэдэн шалтгаан байгаа гэдгийг хэлээд Эрдэнэт үйлдвэрийг Монголын зэс корпорацид орсон талаар хэлэв.

Тэрбээр 1973 оны 11 дүгээр сарын 22-ны өдөр Монгол-ЗХУ-ын хамтарсан уул уурхайн Эрдэнэт үйлдвэрийг байгуулах хоёр улсын Засгийн газрын хэлэлцээр байгуулагдаж, 1978 онд Эрдэнэт үйлдвэр байгуулагдсан. Үүний дараа “Эрдэнэт үйлдвэр нь 62 жилийн нөөцтэй стратегийн орд” гэдэг техник, стратегийн үндэслэл гарсан. Эндээс зарим нэг улс төрчдийн “Эрдэнэт бол муу саалийн үнээ” биш гэдэг нь харагдаж байгаа юм. 2016 оны есдүгээр сарын 9-ны өдрийн Засгийн газрын хаалттай 32 дугаар тэмдэнглэлд “Аж үйлдвэрийн сайд Д.Эрдэнэтбат тухайн үед танилцуулга хийж Монгол Улсын Засгийн газар хөрөнгө оруулалт хийх боломжгүй учир давуу эрхээсээ татгалзаж Монголын зэс корпорацид худалдах тухай танилцуулгыг хийсэн байна.

Энд Худалдаа хөгжлийн банкны захирал О.Орхон, Монголын зэс корпарацийн зеахирал Эрдэнэбилэг өмчлөлийн тухайд Худалдаа хөгжлийн банк орж байгааг танилцуулсан. Энэ хуралд Худалдаа хөгжлийн банкны захирал О.Орхон, гүйцэтгэх захирал Пүрэвбаатар нар оролцсон. Үүнийг тодорхойгүй шалтгаанаар нууцлалд байлгасан. Энэ яагаад ач холбогдолтой гэж үзсэн бэ гэхээр УИХ-ын 23 дугаар тогтоолоор Засгийн газрын 330 дугаар тогтоолыг хүчингүй болгосонд тооцож Монголбанк, Хөгжлийн банк, Сангийн яамнаас авсан эх үүсвэрийг нягталж төрийн өмчид шилжүүлж авахыг үүрэг болгосон.

Ингээд Засгийн газрын долдугаар тогтоолоор Эрдэнэт үйлдвэрийн 49 хувийг суултгаж төрийн өмчит 32-р тогтоолыг гарсан” гэв. 

Г.Нацаг

Тэрбээр мөн "санхүүжилтийн схем ихээнхэн анхаарал татаж байгаа.  Эрдэнэт үйлдвэрийн 49 хувийг нийтдээ 400 гаруй сая ам.доллараар  худалдан авсан байна. Санхүүгийн эх үүсвэрийг бүрдүүлэхдээ нэгд, Худалдаа хөгжлийн банк Сангийн яамнаас вексель бичиж авсан. Хоёрт, Монголбанкнаас өрийн бичиг хийлгэж авсан. Гуравт, Хөгжлийн банкнаас зээл авсан. Худалдаа хөгжлийн банк өөрөө гурван компанид зээл өгөөд тус бүрийг нь Монголын зэс корпораци руу шилжүүлж санхүүжилтийн асуудлаа шийдсэн. Худалдаа хөгжлийн банкнаас энэ зээлүүд гурван компани руу гарсны дараа Монголбанкгаас 160 тэрбум төгрөгийг 20 гаруй хоногийн дараа шилжүүлэх замаар хийсэн байна. Хэлцэл хийх замаар өмчлөлийн маргааныг тодорхойлохын тулд яг хэдэн төгрөг нь төрөөс орж, хэд нь Худалдаа хөгжлийн банкны өөрийн өмч байсан юм бэ гэдгийг тодорхойлж, Цагдаагаас мөнгө угаасан байж болзошгүй гэдэг үндэслэлээр эрүүгийн хэрэг үүсгэх гэхээр нийслэлийн прокурор дээр түдгэлзүүлсэн байдалтай явж байгаа. Энэ санхүүгийн схем үнэн гэдэгт нь батлагдвал гэмт хэрэг юм. Тиймээс энэ асуудлыг өнөөдөр ҮАБЗ-д танилцуулахаар болж байна. ҮАБЗ-ын зөвлөл одоо 20 минутын дараа хуралдана" гэв.