Энэ сарын сүүлээр Умард Со­лон­госын удирдагч Ким Чен Ун Иранд албан ёсоор айлчлах гэж байна. Тэрээр Эвсэлд үл нэгдэх орнуудын дээд хэмжээний уулзал­танд оролцох юм. Дээд хэмжээний уулзалт наймдугаар сарын 26-31-ний хооронд Тегеран хотноо бол­но. Эвсэлд үл нэгдэх орнуудын холбоо нь 120 гишүүн оронтой бөгөөд хэдэн арван ажиглагчидтай. 2009 онд Египетэд болсон дээд хэмжээний уулзалтанд Ардын дээд хурлын Тэргүүлэгчдийн дарга Ким Ен Нам оролцож байжээ.     
Үүнтэй зэрэгцэн Енбенд барьж байгаа цөмийн реакторын дээр хамгаалалтын тусгай бөмбөгөр бий болгосон тухай "Associated Press" агентлаг мэдээллээ. Сансраас авсан гэрэл зураг үүнийг гэрчилж байгаа гэнэ. Умард Солонгос цөмийн обьект барих ажил­лагаа­гаа эхлүүлсэн талаар тавдугаар сард дэлхийн олон орны хэвлэл мэдээллийн хэрэгслээр мэдээлж байсан билээ. 2012 оны хоёр­дугаар сард цөмийн туршилт бо­лон уран баяжуулах ажиллагаагаа зогсоохыг Умард Солонгосын за­саг захиргааныхан зөвшөөрсөн бөгөөд үүний хариуд хүнсний тусламж авах ёстой байлаа. Гэвч дөрөвдүгээр сар гэхэд нэгэнт бай­гуулсан гэрээнээс татгалзсан юм.