Төмрийн хүдрийн үнэ дахин буурч, хоёр оронтой тоо руу унасан талаар "Bloomberg" мэдээллээ. Энэ нь 2009 оноос хойш төмрийн хүдрийн үнэ тонн тутам нь 100 ам.доллараас доош орж буй анхны тохиолдол юм байна.  Төмрийн хүдрийн үнэ буурсан нь дэлхийн эдийн засгийн байдал тааламжгүй байгаагийн дээр өнгөрсөн долоо хоногт Хятадын төрийн өмчит төмөр, гангийн холбоо тус улсын гангийн үйлдвэрлэл сүүлийн 31 жилийн хугацаанд анх удаа буурах төлөвтэй байна хэмээн мэдээлсэнтэй холбоотой гэж шинжээчид дүгнэж байна. Үүнээс гадна Австрали, Бразил болон Латин Америк, Африкийн бусад олборлогчид экспортын хэмжээгээ нэмэгдүүлж, дэлхийд томоохонд тооцогддог Энэтхэгийн Карнатакагийн уурхайн хорио цээрийг хүчингүй болгож, олборлолт, экспортыг эхлүүлсэнтэй холбож байгаа аж.